இலங்கை மற்றும் இந்திய அணிகளுக்கு இடையிலான முதலாவது டெஸ்ட் போட்டியில் இந்திய அணி 165 ஓட்டங்கள் வித்தியாசத்தில் வெற்றிபெற்று, தொடரில் 1-0 என முன்னிலை பெற்றுள்ளது. முதலில் துடுப்பெடுத்தாடிய இந்திய அணி தேவ்தத் படிக்கல்லின் 167 ஓட்டங்கள் மற்றும் கே.எல். ராகுலின் 82 ஓட்டங்களின் உதவியுடன் 462 ஓட்டங்களைப் பெற்றது. பதிலுக்கு துடுப்பெடுத்த இலங்கை அணி சோனல் தினுஷவின் சதம் மற்றும் நிரோஷன் திக்வெல்லவின் 80 ஓட்டங்களுடன் 284 ஓட்டங்களுக்கு சகல விக்கெட்டுகளையும் இழந்தது. இரண்டாவது இன்னிங்ஸில் இந்திய அணி 193 ஓட்டங்களுக்கு ஆட்டமிழந்ததையடுத்து, இலங்கை அணிக்கு 372 ஓட்டங்கள் வெற்றி இலக்காக நிர்ணயிக்கப்பட்டது. எனினும், ஐந்தாவது நாளில் இலங்கை அணி 206 ஓட்டங்களுக்கு சகல விக்கெட்டுகளையும் இழந்தது. இலங்கை அணிக்காக சோனல் தினுஷ 84 ஓட்டங்களையும் தனஞ்சய டி சில்வா 59 ஓட்டங்களையும் பெற்றனர். இந்திய அணியின் மானவ் சுதார் 6 விக்கெட்டுகளை வீழ்த்தி அணியின் வெற்றியில் முக்கிய பங்காற்றினார்.

இலங்கையை வீழ்த்தி முதலாவது டெஸ்டில் இந்திய அணி முன்னிலை

இலங்கையை வீழ்த்தி முதலாவது டெஸ்டில் இந்திய அணி முன்னிலை

You may also like