நாட்டில் உரிமமின்றி இயங்கி வந்த 146 சூதாட்ட இணையதளங்களுக்கான அணுகலை முடக்குமாறு உள்நாட்டு தொலைத்தொடர்பு சேவை வழங்குநர்களுக்கு இலங்கை தொலைத்தொடர்பு ஒழுங்குமுறை ஆணைக்குழு (TRCSL) அறிவுறுத்தியுள்ளது. இது தொடர்பாக கருத்து தெரிவித்த இலங்கை தொலைத்தொடர்பு ஒழுங்குமுறை ஆணைக்குழுவின் பணிப்பாளர் நாயகம் பண்டார ஹேரத், நேற்று 24 இணையவழி பந்தய (Betting) தளங்களும், இன்று மேலும் 122 இணையதளங்களும் முடக்கப்பட்டுள்ளதாக தெரிவித்துள்ளார். முன்னதாக, அனுமதியற்ற இணையவழி சூதாட்ட நடவடிக்கைகளுக்கு எதிரான நடவடிக்கையின் ஒரு பகுதியாக, உலகின் முன்னணி பந்தய இணையதளங்கள் சில உட்பட 24 இணையதளங்களுக்கான அணுகலை இலங்கை முடக்கியுள்ளதாக டிஜிட்டல் பொருளாதார அமைச்சு நேற்று அறிவித்திருந்தது. இலங்கையில் இணையவழி சூதாட்டம் சட்டபூர்வமாக அனுமதிக்கப்பட்டிருந்தாலும், அவற்றை நடத்தும் நிறுவனங்கள் உரிய அதிகாரிகளிடம் பதிவு செய்து, சட்டப்படி உரிமம் பெற்று கட்டணங்களைச் செலுத்துவது கட்டாயமாகும். இதனையடுத்து, குறித்த 24 முக்கிய சூதாட்ட இணையதளங்களை இலங்கையிலிருந்து அணுக முடியாதவாறு உள்நாட்டு இணையச் சேவை வழங்குநர்களுக்கு அரசாங்கம் உத்தரவிட்டிருந்தது. அத்துடன், உரிமமற்ற இணையவழி சூதாட்ட தளங்களில் பணம் முதலீடு செய்வது சட்டவிரோதமானது என்பதையும் அரசாங்கம் பொதுமக்களுக்கு மீண்டும் எச்சரித்துள்ளது.

உரிமமற்ற 146 சூதாட்ட இணையதளங்கள் இலங்கையில் முடக்கம்

உரிமமற்ற 146 சூதாட்ட இணையதளங்கள் இலங்கையில் முடக்கம்

You may also like