தம்புத்தேகம, இராஜாங்கனை வீதியின் 03ஆம் கட்டை பஸ் தரிப்பிடத்திற்கு அருகிலுள்ள பகுதியில் ரிவோல்வர் ரக துப்பாக்கி ஒன்றும், அதற்குப் பயன்படுத்தப்படும் 09 தோட்டாக்களும் பொலிஸாரால் கைப்பற்றப்பட்டுள்ளன. நிக்கவெரட்டிய பிரதேசத்திற்கு உட்பட்ட பொலிஸ் உத்தியோகத்தர் ஒருவர் சந்தேகத்திற்கிடமான மோட்டார் சைக்கிள் ஒன்றை நிறுத்தி மேற்கொண்ட சோதனையின் போது, அதில் பயணித்த இருவரில் ஒருவரிடமிருந்து ரிவோல்வர் ரக துப்பாக்கிகளுக்குப் பயன்படுத்தப்படும் 04 தோட்டாக்கள் மீட்கப்பட்டுள்ளன. இதன்போது, மோட்டார் சைக்கிளின் ஓட்டுனர் மோட்டார் சைக்கிளை அவ்விடத்திலேயே கைவிட்டுத் தப்பிச் சென்றுள்ளதுடன், பின்னால் அமர்ந்திருந்த நபரும் சோதனையை மேற்கொண்ட பொலிஸ் உத்தியோகத்தரின் மோட்டார் சைக்கிளை எடுத்துக்கொண்டு தப்பிச் செல்ல முயற்சித்துள்ளார். எவ்வாறாயினும், அந்த முயற்சி தடுக்கப்பட்ட நிலையில், பின்னர் அந்தச் சந்தேகநபரும் அவ்விடத்திலிருந்து தப்பிச் சென்றுள்ளதாகப் பொலிஸார் தெரிவிக்கின்றனர். சம்பவம் தொடர்பாக குறித்த பொலிஸ் உத்தியோகத்தர் தம்புத்தேகம பொலிஸ் நிலையத்திற்குத் தகவல் வழங்கியதையடுத்து, அங்கிருந்த உத்தியோகத்தர்கள் குழுவொன்று சம்பவ இடத்திற்கு விரைந்து விசாரணைகளை ஆரம்பித்துள்ளது. இதன்போது, அருகிலுள்ள வீதியொன்றில் சந்தேக நபர்களால் கைவிட்டிருந்த வெளிநாடொன்றில் தயாரிக்கப்பட்ட ரிவோல்வர் ரக துப்பாக்கி ஒன்று, அதற்குப் பயன்படுத்தப்படும் 05 தோட்டாக்கள் மற்றும் சந்தேகநபர்கள் பயணித்த மோட்டார் சைக்கிள் ஆகியன பொலிஸாரால் கைப்பற்றப்பட்டுள்ளன. சந்தேகநபர்களைக் கைது செய்வதற்கான மேலதிக விசாரணைகளைத் தம்புத்தேகம பொலிஸார் மேற்கொண்டு வருகின்றனர்.

இராஜாங்கனை வீதியில் கைப்பற்றப்பட்ட துப்பாக்கி-தோட்டாக்கள்!இருவர் தப்பியோட்டம்

இராஜாங்கனை வீதியில் கைப்பற்றப்பட்ட துப்பாக்கி-தோட்டாக்கள்!இருவர் தப்பியோட்டம்

You may also like