'நாடே ஒன்றாக' தேசிய வேலைத்திட்டத்தின் கீழ் மேற்கொள்ளப்பட்ட போதைப்பொருள் சோதனைகளில் இதுவரை 438,330 சந்தேக நபர்கள் கைது செய்யப்பட்டுள்ளதாக ஜனாதிபதி அநுர குமார திசாநாயக்க தெரிவித்துள்ளார். இன்று (05) நடைபெற்ற 'நாடே ஒன்றாக' தேசிய வேலைத்திட்டத்தின் மதம் தொடர்பான மாநாட்டில் உரையாற்றிய போதே ஜனாதிபதி இதனைத் தெரிவித்தார்.அவர் மேலும் தெரிவித்த கருத்து கைது செய்யப்பட்டுள்ள மொத்த சந்தேக நபர்களில் 405,268 பேர் ஐஸ்&nbsp;மற்றும் ஹெரோயின் தொடர்பான குற்றங்களுக்காகக் கைது செய்யப்பட்டுள்ளனர். இதனிடையே கைது செய்யப்பட்டவர்களில் 5 முதல் 14 வயதுக்கு இடைப்பட்ட 13 சிறுவர்களும் அடங்கpயுள்ளனர். மேலும்&nbsp;மொத்தக் கைதுகளில் 21 வயதுக்குட்பட்ட 11,737 இளைஞர்களும்- அவர்களுள் 18 முதல் 21 வயதுக்குட்பட்ட 10,889 பேரும், 14 முதல் 18 வயதுக்குட்பட்ட 1,068 பேராவர். நாட்டில் சிறார்கள் போதைப்பொருளுக்கு அடிமையாகுவது&nbsp;விரைவான வளர்ச்சியை நோக்கி நகர்வதாக&nbsp;தரவுகளை மேற்கோள்காட்டி ஜனாதிபதி வலியுறுத்தினார். இதற்கமைய 2022 ஆம் ஆண்டில் போதைப்பொருள் குற்றங்கள் தொடர்பில் 18 வயதுக்குட்பட்ட ஒருவர் மட்டுமே கைது செய்யப்பட்டிருந்த போதிலும், 2023 ஆம் ஆண்டில் அத்தொகை 303 ஆகவும் 2024 ஆம் ஆண்டில் 754 ஆகவும் உயர்ந்துள்ளது. 2025 ஆம் ஆண்டாகும் போது அத்தொகை 1,824 ஆக அதிகரித்துள்ளது.

சிறார்கள் போதைக்கு அடிமையாவதில் ஏற்பட்ட பாரிய வளர்ச்சி:ஜனாதிபதி தெரிவிப்பு

சிறார்கள் போதைக்கு அடிமையாவதில் ஏற்பட்ட பாரிய வளர்ச்சி:ஜனாதிபதி தெரிவிப்பு

You may also like