வெலிசறை அதிஉயர் பாதுகாப்புச் சிறைச்சாலையில் தடுப்புக் காவலில் வைக்கப்பட்டுள்ள பெக்கோ சமன் தனது தாயாரின் உடலுக்கு இறுதி அஞ்சலி செலுத்த மறுத்துள்ளதாக சிறைச்சாலை வட்டாரங்கள் தெரிவிக்கின்றன. அவரது தாயார் கடந்த 12ஆம் திகதி இரவு மித்தெனிய பகுதியில் வைத்து இனந்தெரியாத துப்பாக்கிதாரியொருவரால் சுட்டுக் கொல்லப்பட்டார். இந்தக் கொலை கரந்தெனிய சுத்த என்பவரால் திட்டமிடப்பட்டிருக்கலாம் என சந்தேகிக்கப்படுவதுடன், கணேமுல்ல சஞ்சீவவின் கொலைக்கு பழிவாங்கும் நடவடிக்கையாக இது இடம்பெற்றிருக்கலாம் என தகவல்கள் வெளியாகியுள்ளன. தாயாரின் கொலை தொடர்பில் சிறைச்சாலை அதிகாரிகள் பெக்கோ சமனுக்கு அறிவித்திருந்த நிலையில், அவரது உடலுக்கு இறுதி அஞ்சலி செலுத்த அவர் மறுத்துள்ளதாக தெரிவிக்கப்படுகிறது. எனினும், அதற்கான காரணம் இதுவரை வெளியாகவில்லை. இதேவேளை, பெக்கோ சமனின் நலன் குறித்து விசாரிப்பதற்காக சிறைச்சாலைக்கு செல்ல வேண்டாம் என அவரது தாயாரை ‘சுத்த’ அச்சுறுத்தியிருந்ததாகவும், அந்த எச்சரிக்கையைப் பொருட்படுத்தாமல் அவர் சிறைச்சாலைக்கு சென்று வந்தமையே கொலைக்கான மற்றொரு காரணமாக இருக்கலாம் எனவும் பொலிஸ் வட்டாரங்கள் தெரிவித்துள்ளன.

தாயின் மரணச் செய்தி அறிந்தும் இறுதி அஞ்சலி செலுத்த மறுத்த ‘பெக்கோ சமன்’

தாயின் மரணச் செய்தி அறிந்தும் இறுதி அஞ்சலி செலுத்த மறுத்த ‘பெக்கோ சமன்’

You may also like