கொட்டாஞ்சேனை பகுதியில் இடம்பெற்ற கொலையுடன் தொடர்புடைய மூவர் பொலிஸாரால் கைது செய்யப்பட்டுள்ளனர். கடந்த செப்டம்பர் 14ஆம் திகதி கொட்டாஞ்சேனை பகுதியில் நபரொருவர் வெட்டிக் கொலை செய்யப்பட்ட சம்பவம் தொடர்பாக பொலிஸார் விசாரணைகளை ஆரம்பித்திருந்தனர். இதன்போது கிடைத்த தகவலுக்கு அமைய,கொலையுடன் தொடர்புடைய பிரதான சந்தேகநபர்கள் இருவர் உட்பட அதற்கு உடந்தையாக இருந்த மற்றொருவரும் கைது செய்யப்பட்டுள்ளனர். கிரேன்ட்பாஸ், கொலன்னாவை மற்றும் மட்டக்குளி ஆகிய பகுதிகளில் மேற்கொள்ளப்பட்ட சோதனைகளின் போதே இம்மூவரும் கைது செய்யப்பட்டுள்ளனர். கைது செய்யப்பட்ட சந்தேகநபர்களிடமிருந்து,குற்றச் செயலுக்குப் பயன்படுத்தப்பட்ட மன்னாக் கத்தியொன்று கைப்பற்றப்பட்டுள்ளதுடன், 28 கிராம் 600 மில்லிகிராம் 'ஐஸ்' போதைப்பொருளையும் பொலிஸார் கைப்பற்றியுள்ளனர். இவ்வாறு கைது செய்யப்பட்டவர்கள் மட்டக்குளி, கொழும்பு 14 மற்றும் கொலன்னாவை ஆகிய பகுதிகளைச் சேர்ந்த 19, 25 மற்றும் 39 வயதுடையவர்கள் என பொலிஸார் தெரிவித்துள்ளனர். சம்பவம் தொடர்பில் கொட்டாஞ்சேனை பொலிஸார் மேலதிக விசாரணைகளை மேற்கொண்டு வருகின்றனர்.

கொட்டாஞ்சேனையில் நபரொருவர் வெட்டிக் கொலை - மூவர் கைது

கொட்டாஞ்சேனையில் நபரொருவர் வெட்டிக் கொலை - மூவர் கைது

You may also like