நீர்கொழும்பு சிறைச்சாலையில் இடம்பெற்ற மோதல் சம்வங்கள் மீள ஏற்படுவதைத் தடுப்பதற்காக விசேட குழுவொன்றை நியமித்து சிறைச்சாலை கட்டமைப்பில் காணப்படும் குறைபாடுகளை ஆராயுமாறு இலங்கை மனித உரிமைகள் ஆணைக்குழு பரிந்துரை செய்துள்ளது. ஜூலை 5 மற்றும் 6 ஆம் திகதிகளில் நீர்கொழும்பு சிறைச்சாலையில் நடைபெற்ற சம்பவங்கள் தொடர்பில் வெளியிடப்பட்ட விசாரணை அறிக்கையில் ஆணைக்குழு இந்த விடயத்தைக் குறிப்பிட்டுள்ளது. சிறைச்சாலையில் காணப்படும் அதிகளவிலான நெரிசல் அதிகாரிகளின் பற்றாக்குறைஇ கைதிகளை நிர்வாக நடவடிக்கைகளுக்குப் பயன்படுத்துதல் மற்றும் பாதுகாப்பு கட்டமைப்பில் காணப்பட்ட பலவீனங்கள்&nbsp;மோதல்கள் தீவிரமடைவதற்குக் காரணமாக அமைந்தன என ஆணைக்குழு சுட்டிக்காட்டியுள்ளது. இதற்கமையஇ சிறைச்சாலை நிர்வாகத்தில் காணப்படும் பிரச்சினைகளை ஆராய்ந்து பொருத்தமான தீர்வுகளை முன்வைப்பதற்காக விசேட குழுவொன்றை நியமித்து அதன் பரிந்துரைகளின் அடிப்படையில் தேவையான நடவடிக்கைகளை எடுக்குமாறு சிறைச்சாலைகள் ஆணையாளர் நாயகம் மற்றும் நீதி மற்றும் தேசிய ஒருமைப்பாடு அமைச்சின் செயலாளருக்குப் பரிந்துரை செய்யப்பட்டுள்ளது. 1. சிறைச்சாலைகளின் நிர்வாக நடவடிக்கைகளுக்குக் கைதிகளின் உதவியைப் பெறுவதற்குப் பதிலாக போதிய பயிற்சியளிக்கப்பட்ட அதிகாரிகளை ஈடுபடுத்துதல்.&nbsp; 2.நெரிசலைக் குறைத்தல் கைதிகளின் நலன்பேணலை அதிகரித்தல் அதிகாரிகளுக்குத் தேவையான பயிற்சிகளை வழங்குதல் மற்றும் கைதிகள் தமது பிரச்சினைகளை முன்வைக்கக்கூடிய முறைப்பாட்டு பொறிமுறையொன்றை நிறுவுதல்.&nbsp; 3.நீர்கொழும்பு சிறைச்சாலையிலிருந்து ஏனைய சிறைச்சாலைகளுக்கு மாற்றப்பட்ட கைதிகள் மீது தாக்குதல் நடத்தப்பட்டதான முறைப்பாடுகள் தொடர்பிலும் மேலதிக விசாரணைகளை மேற்கொள்ளவும். இவ்வாறான சம்பவங்களுக்குப் பொறுப்பான நபர்களை இனங்கண்டு ஒழுக்காற்று மற்றும் சட்ட நடவடிக்கைகளை எடுக்க வேண்டும்.&nbsp; 4. சிறைச்சாலைகளுக்குள் மோதல் சம்பவங்கள் ஏற்படும்போது கைதிகளைக் கட்டுப்படுத்தும் முறை குறித்த தெளிவான வழிகாட்டல் அமைப்பொன்றைத் தயாரிக்கவும்.&nbsp; 5.மோதல்களின்போது இடம்பெற்ற துப்பாக்கிச் சூடுகள் தொடர்பில் பொறுப்பான தரப்பினரை இன காண்பதற்காகக் குற்றப் புலனாய்வுத் திணைக்களம் மேலதிக விசாரணைகளை மேற்கொண்டு தேவையான சட்ட நடவடிக்கைகளை எடுக்க வேண்டும்.&nbsp; 6. இச்சம்பவத்தில் உயிரிழந்த சிறைச்சாலை அதிகாரிகளின் குடும்பங்களுக்கு உரிய நஷ்டஈடு மற்றும் கொடுப்பனவுகளை வழங்குவதும் காயமடைந்த அதிகாரிகளுக்குத் தேவையான சிகிச்சை வசதிகளைச் செய்து கொடுப்பதும் ஆணைக்குழுவின் ஏனைய பரிந்துரைகளில் அடங்கும்.&nbsp; குறித்த பரிந்துரைகளை நடைமுறைப்படுத்தி அது தொடர்பான அறிக்கையை நிர்ணயிக்கப்பட்ட காலப்பகுதிக்குள் ஆணைக்குழுவிடம் சமர்ப்பிக்குமாறு சிறைச்சாலைகள் ஆணையாளர் நாயகத்திற்கும் நீதி மற்றும் தேசிய ஒருமைப்பாடு அமைச்சின் செயலாளருக்கும் அறிவிக்கப்பட்டுள்ளது.

சிறைச்சாலை மோதல்கள் - மனித உரிமைகள் ஆணைக்குழு வெளியிட்டுள்ள பரிந்துரைகள்!

சிறைச்சாலை மோதல்கள் - மனித உரிமைகள் ஆணைக்குழு வெளியிட்டுள்ள பரிந்துரைகள்!

You may also like