ஹட்டன் நகரில் உள்ள கோழிச் சந்தைகளில் வீசப்பட்ட கோழிக்கழிவுகளை ஒரு சிறிய லொறி ஒன்றில் ஏற்றிச் சென்று, மகாவலி ஆற்றில் கலக்கும் ஹட்டன் ஓயா ஆற்றில் கொட்டியதற்காக, ஹட்டன் பொலிஸ் சுற்றுச்சூழல் பிரிவு அதிகாரிகளால் நேற்று (29) இரவு இருவரை கைதுசெய்துள்ளதாக பொலிஸார் தெரிவித்துள்ளனர். அந்த இரு சந்தேக நபர்களும் கோழிக்கழிவுகளை லொறியில் ஏற்றிக்கொண்டு&nbsp;ஹட்டன் - கொழும்பு பழைய வீதி வழியாக இரு முக்கிய நீரோடைகளின் சங்கமமாகும் மகாவலி ஆற்றின் தொடக்கமாக அமைகின்றது இதன்படி இவர்கள் ஹட்டன் ஓயா ஆற்றில் கொட்டவிருந்தபோது, ​​இரவு ரேந்து பணியில் ஈடுபட்டிருந்த பொலிஸ் அதிகாரிகள் அவர்களைக் பின்தொடர்ந்து சந்தேகத்தின் பேரில் அந்த இருவரையும் கைதுசெய்து லொறியை மீட்டுள்ளனர். இவ்வாறு கைதுசெய்யப்பட்ட இரு சந்தேக நபர்களும் லொறியையும் ஹட்டன் நீதவான் நீதிமன்றத்தில் ஆஜர்படுத்தப்படுவார்கள் என்று ஹட்டன் பொலிஸ் சுற்றுச்சூழல் பிரிவு அதிகாரிகள் தெரிவித்தனர். தொடர்ச்சியாக இரவு மற்றும் அதிகாலை நேரங்களில் ஹட்டன் நகரில் கோழி இறைச்சி கழிவுகளை ஏற்றிக்கொண்டு சில லொறிகள் இவ்வாறு நீரோடைகளில் கொட்டுவதாகவும் இதனால் அந்த பகுதியில் துர்நாற்றம் வீசுகின்றது.&nbsp; மேலும் சுகாதார சீர்கேடும் ஏற்படுகின்றது என்று அப்பகுதி பொதுமக்கள் குறை கூறி வந்தன் காரணமாக பொலிஸார் இவ்வாறு சோதனை நடவடிக்கையில் ஈடுபட்டுள்ளமை குறிப்பிடத்தக்கது. (செ.திவாகரன்)

மகாவலி ஆற்றில் கோழிக்கழிவுகளைக் கொட்டிய இருவர் கைது!

மகாவலி ஆற்றில் கோழிக்கழிவுகளைக் கொட்டிய இருவர் கைது!

You may also like