எதிர்வரும்&nbsp;21 ஆம் திகதி முதல் நடைமுறைக்கு வரும் வகையில் தான் மத்திய மாகாண ஆளுநர் பதவியிலிருந்து விலகுவதாக ஜனாதிபதிக்கு உத்தியோகபூர்வமாக அறிவித்துள்ளதாகப் பேராசிரியர் சரத் அபேகோன் தெரிவித்துள்ளார். இன்று (17) கண்டியில் நடைபெற்ற&nbsp;ஊடகவியலாளர் சந்திப்பொன்றில் கலந்துகொண்டு கருத்துத் தெரிவிக்கும் போதே அவர் இதனைக் குறிப்பிட்டுள்ளார். மத்திய மாகாண ஆளுநர் பதவியிலிருந்து விலகுவதாகத் தெரிவித்து, ஜனாதிபதிக்குத் தான் அனுப்பிய கடிதத்திற்கு இதுவரை எந்தவொரு பதிலும் கிடைக்கவில்லை எனப் பேராசிரியர் சரத் அபேகோன் தெரிவித்துள்ளார். குறித்த ஆளுநர் பதவியை ஏற்கும் சந்தர்ப்பத்திலேயே, மிகக் குறுகிய காலத்திற்குள் தான்&nbsp;விலகப் போவதாக ஜனாதிபதிக்குத் தெரிவித்திருந்ததாகவும் கூறியுள்ளார்.&nbsp;&nbsp; எவ்வாறாயினும், அண்மையில் ஏற்பட்ட 'டித்வா' சூறாவளி நிலைமை காரணமாக மத்திய மாகாணத்தில் ஏற்பட்ட பாதிப்புகளைக் கருத்திற்கொண்டு, மக்களின் நலன் கருதி தனது இராஜினாமா முடிவை இதுவரையில் பிற்போட்டிருந்ததாக&nbsp;குறிப்பிட்டுள்ளார். மேலும், முற்றிலும் தனிப்பட்ட காரணத்தினால் தான் தனது பதவியிலிருந்து விலகுவதாகவும், இந்த முடிவை எடுப்பதற்கு தனக்கு எவரும் எந்தவித அழுத்தங்களையும் கொடுக்கவில்லை என்றும் அவர் தெளிவுபடுத்தியுள்ளார்.

பேராசிரியர் சரத் அபேகோன் பதவி விலகல்

பேராசிரியர் சரத் அபேகோன் பதவி விலகல்

You may also like