&nbsp;&nbsp;&nbsp;கந்தானை பொலிஸ் நிலையத்திற்கு முன்பாக காரில் பயணித்த ஒருவரை இலக்கு வைத்து அடையாளம் தெரியாத இருவர் ரி-56 ரக துப்பாக்கியால் இன்று காலை துப்பாக்கிச் சூடு நடத்தியுள்ளதாக பொலிஸார் தெரிவித்தனர்.&nbsp; இந்த துப்பாக்கிச் சூட்டுச் சம்பவத்தில் காரில் பயணித்த இருவர் காயமடைந்த நிலையில், சிகிச்சைக்காக ராகம போதனா வைத்தியசாலையில் அனுமதிக்கப்பட்டனர்.&nbsp; இதேவேளை காயமடைந்த இரண்டு பேரில் ஒருவர் உயிரிழந்துள்ளதாக பொலிஸார் தெரிவித்தனர்.&nbsp;மேலும், சம்பவத்தில் காயமடைந்த மற்றைய நபர் மறைந்த முன்னாள் அமைச்சர் மங்கள சமரவீரவின் பிரத்தியேக செயலாளராக பணியாற்றிய 'வெலி சமீர' என்ற சமீரா மனஹார எனவும் தெரியவந்துள்ளது.&nbsp;துப்பாக்கிச் சூட்டில் அவர் காயமடைந்த போதிலும், அவரது நிலைமை மோசமாக இல்லை என்று வைத்தியசாலை வட்டாரங்கள் தெரிவிக்கின்றன.&nbsp;துப்பாக்கிச் சூட்டுக்கு இலக்காகி உயிரிழந்த நபர் உபாலி அமுனுவில எனவும், அவர் சமீர மனஹாரவின் மைத்துனர் என்றும் கூறப்படுகிறது.&nbsp;இருவரும் உடற் பயிற்சி நிலையத்தில் இருந்து வீடு திரும்பிக் கொண்டிருந்த போது, ​​அவர்களது வீட்டிலிருந்து சுமார் 500 மீற்றர் தொலைவில் வைத்து இவ்வாறு துப்பாக்கிச் சூடு நடத்தப்பட்டுள்ளதாக பொலிஸார் குறிப்பிட்டுள்ளனர்.&nbsp;துப்பாக்கிச் சூட்டுக்கான காரணம் இன்னும் வெளியாகவில்லை, மேலும் கந்தானை பொலிஸார் உட்பட பல பொலிஸ் குழுக்கள் சம்பவம் குறித்து விசாரணைகளை முன்னெடுத்துள்ளனர்.

கந்தானை துப்பாக்கிச்சூடு – வெளியான தகவல்

கந்தானை துப்பாக்கிச்சூடு – வெளியான தகவல்

You may also like