முல்லைத்தீவு - கரைதுறைப்பற்றுப் பிரதேச செயலாளர் பிரிவிற்குட்பட்ட அக்கரைவெளி வீதியையும் அதனை சார்ந்த இரண்டு பாலங்களும் சீரின்றி காணப்படுவதால் விவசாயிகள் கடும் இன்னல்களுக்கு முகங்கொடுத்துள்ளதாக வன்னி மாவட்ட பாராளுமன்ற உறுப்பினர் துரைராசா ரவிகரன் தெரிவித்துள்ளார். அமைச்சர் பிமல் ரத்னாயக்க தலைமையில் முல்லைத்தீவு மாவட்ட செயலகத்தில் இன்று இடம்பெற்ற விசேட மாவட்ட ஒருங்கிணைப்புக்குழுக் கூட்டத்தில் கலந்துக் கொண்டு உரையாற்றிய போதே அவர் இதனை குறிப்பிட்டுள்ளார். முல்லைத்தீவு மாவட்டத்தின் எல்லைப்புறக் கிராமங்களான கொக்கிளாய், கொக்குத்தொடுவாய் கருநாட்டுக்கேணி மற்றும் திருகோணமலை மாவட்டத்தின் எல்லைப்புறக் கிராமமான தென்னமரவடி ஆகிய பகுதிகளைச் சேர்ந்த விவசாயிகள் தமது விவசாய நிலங்களுக்காகச் செல்லும் கோட்டைக்கேணி தொடக்கம் அக்கரைவெளி வரையான வீதியை புனரமைக்குமாறு கோரிக்கை விடுத்தனர். குறிப்பாக அக்கரைவெளி, கன்னாட்டி, மாரியமுனை, கீழ்காட்டுவெளி, மேல்காட்டுவெளி, பாலங்காடு, கூமாவடிக்கண்டல், நாடயடிச்சமுறிப்பு, சிவந்தமுறிப்பு, சூரியனாறு, எரிஞ்சகாடு உள்ளிட்ட 2000 ஏக்கருக்கும் மேற்பட்ட நெற்செய்கை நிலங்களுக்குச் செல்லும் வீதியே இவ்வாறு பாதிக்கப்பட்டுள்ளது.&nbsp; இதனால் 800இற்கும் மேற்பட்ட விவசாயக்குடும்பங்கள் பாதிப்புக்களை எதிர்நோக்குவதாக பாராளுமன்ற உறுப்பினர் துரைராசா ரவிகரன் தெரிவித்துள்ளார். இதற்கு பதிலளித்த அமைச்சர் பிமல் ரத்னாயக்க, அதற்கான நடவடிக்கைகளை மேற்கொள்ளுமாறு துறைசார் அதிகாரிகளுக்கு அறிவுறுத்தல் விடுத்தார். அதேநேரம், அக்கரைவெளி பாலத்தை நிர்மாணிப்பதற்கு 65 மில்லியன் ரூபாயினை தாம் ஒதுக்கீடுசெய்வதாகவும் அவர் உறுதியளித்துள்ளார்.

ரவிகரன் எம்.பியின் கோரிக்கையை பிமல் ஏற்றார்.

ரவிகரன் எம்.பியின் கோரிக்கையை பிமல் ஏற்றார்.

You may also like