டிக்டொக் (tiktok) நிறுவனத்தின் அண்மைய அறிக்கைகளின்படி சமூக வழிகாட்டுதல்களை மீறியமைக்காக 2026 ஆம் ஆண்டின் முதல் ஆறு மாதங்களில் இலங்கையிலிருந்து பதிவேற்றப்பட்ட 870,000 க்கும் அதிகமான வீடியோக்களை அகற்றுவதற்கு நடவடிக்கை எடுக்கப்பட்டுள்ளது. அந்நிறுவனம் வெளியிட்ட தரவுகளின்படி, 2026 ஜனவரி மற்றும் ஜூன் மாதங்களுக்கு இடைப்பட்ட காலத்தில் 871,446 வீடியோக்கள் அகற்றப்பட்டுள்ளதுடன், அதில் முதலாவது காலாண்டில் அகற்றப்பட்ட 441,089 வீடியோக்களும், இரண்டாவது காலாண்டில் அகற்றப்பட்ட 430,357 வீடியோக்களும் அடங்கும். இந்த புள்ளிவிவரங்களின்படி முதலாவது காலாண்டுடன் ஒப்பிடுகையில் இரண்டாவது காலாண்டில் வீடியோக்கள் அகற்றப்படுவது 10,732 ஆல் அதாவது சுமாராக 2.4% என்ற சிறிய அளவிலான குறைவைக் காட்டுகிறது. டிக்டொக்கின் இரண்டாவது காலாண்டு அறிக்கையின்படி, உலகம் முழுவதும் அகற்றப்பட்ட வீடியோக்களில் மிகவும் பொதுவான பிரிவுகளாக உணர்திறன் மிக்க அல்லது பெரியவர்களுக்கு மட்டுமேயான உள்ளடக்கங்கள், ஆபத்தான நடவடிக்கைகள், பாலியல் ரீதியான நடத்தைகள் மற்றும் பாதுகாப்பு நடைமறைகளை மீறுதல் என்பன முக்கிய இடம்பிடித்துள்ளன. இருப்பினும் இலங்கையிலிருந்து பிரத்தியேகமாக அகற்றப்பட்ட வீடியோ வகைகளின் தனிப்பட்ட தரவுப் பிரிப்புகளை டிக்டொக் நிறுவனம் வெளிப்படுத்தவில்லை. மேலே குறிப்பிடப்பட்ட சதவீதங்கள் இலங்கையின் உள்ளடக்கங்களுக்கு மட்டுமல்லாமல், உலகளாவிய ரீதியில் மேற்கொள்ளப்பட்ட வீடியோ அகற்றல்களையே பிரதிபலிக்கின்றன.

இலங்கையின் எட்டு இலட்சத்திற்கு மேற்பட்ட டிக்டொக் வீடியோக்கள் அகற்றல்

இலங்கையின் எட்டு இலட்சத்திற்கு மேற்பட்ட டிக்டொக் வீடியோக்கள் அகற்றல்

You may also like