பாகிஸ்தான் சுப்பர் லீக் தொடரின் 11ஆவது பருவகாலத்திற்காக, ஹைதராபாத் கிங்ஸ்மென் அணி, இலங்கை அணியின் சுழற்பந்து வீச்சாளர் மஹீஷ் தீக்ஷனவை தனது அணியில் இணைத்துக் கொண்டுள்ளது. 25 வயதான மஹீஷ் தீக்ஷன, சர்வதேச ரீதியாக பெரும் அனுபவம் கொண்டவர். இலங்கை அணிக்காக 83 சர்வதேச இருபதுக்கு இருபது போட்டிகளில் விளையாடியுள்ள மஹீஷ் தீக்ஷன, 82 விக்கெட்டுகளை வீழ்த்தியுள்ளார். அத்துடன் ஐ.பி.எல், எல்.பி.எல் உள்ளிட்ட உலகின் முன்னணி லீக் தொடர்கள் அடங்கலாக 225 போட்டிகளில் பங்கேற்றுள்ள அவர் 230 விக்கெட்டுகளைக் கைப்பற்றியுள்ளார். இம்முறை முதல் தடவையாக 8 அணிகள் பங்கேற்கவுள்ள குறித்த தொடரில், ஹைதராபாத் கிங்ஸ்மென் மற்றும் ராவல்பிண்டி ஆகிய இரு புதிய அணிகள் இணைந்துள்ளன. மேலும் 39 நாட்களில் மொத்தம் 44 போட்டிகள் நடைபெறவுள்ளன.

மஹீஷ் தீக்ஷன புதிய அணியில் இணைவு

மஹீஷ் தீக்ஷன புதிய அணியில் இணைவு

You may also like