எதிர்க்கட்சி என்ன கூறினாலும், நாட்டின் பெரும்பான்மையான மக்கள் ஜனாதிபதி அநுர குமார திசாநாயக்க மற்றும் அரசாங்கத்துடனேயே உள்ளனர் என பெருந்தோட்ட மற்றும் சமூக உட்கட்டமைப்பு வசதிகள் பிரதி அமைச்சர் சுந்தரலிங்கம் பிரதீப் தெரிவித்துள்ளார். ஹட்டன் நகரில் இன்று (26) இடம்பெற்ற நிகழ்வொன்றின் பின்னர் நடைபெற்ற ஊடகவியலாளர் சந்திப்பில் கருத்து தெரிவிக்கும்போதே அவர் இதனை கூறினார். அண்மையில் பாராளுமன்றத்தில் கொண்டு வரப்பட்ட நம்பிக்கையில்லாத் தீர்மானத்துக்குப் பின்னர் எதிர்க்கட்சி குழப்பமடைந்துள்ளதாக தெரிவித்த பிரதி அமைச்சர், அரசாங்கத்தை கவிழ்க்க முயற்சிப்பதை விடுத்து வலுவான எதிர்க்கட்சியாக செயற்பட வேண்டுமென வலியுறுத்தினார். மேலும், எதிர்க்கட்சியானது பிணையில் உள்ளவர்கள் மற்றும் பல்வேறு ஊழல் குற்றச்சாட்டுகளுடன் தொடர்புடையவர்களால் சூழப்பட்டுள்ளதாகவும் அவர் குற்றம் சாட்டினார். நாட்டு மக்கள் ஜனாதிபதியுடனும் அரசாங்கத்துடனும் இருப்பதாகவும், அவர்களில் 94.4 வீதமானோர் தொழிலாளர்கள் எனவும் பிரதி அமைச்சர் தெரிவித்துள்ளார். இதேவேளை, மலையகப் பகுதிகளில் கல்வி வளர்ச்சி தேசிய மட்டத்துடன் ஒப்பிடுகையில் பின்தங்கியுள்ளதாக தெரிவித்த அவர், ஆசிரியர் பற்றாக்குறை, பாடசாலைகளுக்கான காணி உரிமை மற்றும் பாடசாலை வீதி அபிவிருத்தி உள்ளிட்ட 22 முக்கிய கோரிக்கைகள் தொடர்பில் பிரதமர் கலாநிதி ஹரிணி அமரசூரியவுடன் கலந்துரையாடப்பட்டுள்ளதாகவும் குறிப்பிட்டுள்ளார். (செ.திவாகரன்)

ஜனாதிபதியுடனும் அரசாங்கத்துடனும் மக்கள் உள்ளனர் - பிரதி அமைச்சர்

ஜனாதிபதியுடனும் அரசாங்கத்துடனும் மக்கள் உள்ளனர் - பிரதி அமைச்சர்

You may also like