நுவரெலியா மாவட்டத்தில் உள்ள பிரதேச செயலகங்களில் இடம்பெற்றதாகக் கூறப்படும் நிதி முறைகேடுகள் குறித்து விசாரிக்க, ஜனாதிபதி அநுரகுமார திசாநாயக்கவின் மேற்பார்வையின் கீழ் தணிக்கைக் குழு ஒன்றை நியமிக்க நடவடிக்கை எடுக்கப்பட்டுள்ளது. நுவரெலியா மாவட்ட ஒருங்கிணைப்புக் குழுவின் தலைவரும் நாடாளுமன்ற உறுப்பினருமான மஞ்சுள சுவீர ஆராச்சி அறிக்கையொன்றின் ஊடாக இதனை தெரிவித்துள்ளார். இதற்கமைய, 2023 முதல் 2026 வரையிலான காலப்பகுதியை உள்ளடக்கியதாக நுவரெலியா மாவட்டத்தில் உள்ள 10 பிரதேச செயலக அலுவலகங்களில் தணிக்கைகள் நடத்தப்படவுள்ளன. நோர்வூட் மற்றும் தலவாக்கலை பிரதேச செயலகங்களில் 'அஸ்வெசும' நலன்புரிப் பயனாளர் கொடுப்பனவுகள் சம்பந்தப்பட்டதாகக் கூறப்படும் முறைகேடுகள் குறித்து விசேட கவனம் செலுத்தப்படும். கொவிட் தொற்றுநோய்க் காலப்பகுதியில் குறைந்த வருமானம் பெறும் குடும்பங்களுக்கு சமுர்த்தி வேலைத்திட்டத்தின் ஊடாக வழங்கப்பட்ட 5,000 ரூபா கொடுப்பனவு மற்றும் டிட்வா சூறாவழியால் பாதிக்கப்பட்ட மக்களுக்கு அனர்த்த நிவாரணக் கொடுப்பனவுகள் சரியாக விநியோகிக்கப்பட்டனவா என்பதும் இந்தத் தணிக்கையின் மூலம் ஆராயப்படும். கூடுதலாக, சமுர்த்தி பயனாளிகள் மற்றும் சிரேட்ட குடிமக்களுக்கு வழங்கப்பட்ட அரச மானியங்கள் மற்றும் கொடுப்பனவுகள் உரிய பெறுநர்களுக்குச் சரியாக வழங்கப்பட்டனவா என்பதை இக்குழு விசாரிக்கும். தணிக்கை தொடங்குவதற்கு முன், இத்தகைய முறைகேடுகள் தொடர்பில் தமக்கு ஏதேனும் தகவல் தெரிந்தால் வழங்குமாறு பயனாளிகளிடம் நாடாளுமன்ற உறுப்பினர் மஞ்சுள சுவீர ஆராச்சியும் கேட்டுக்கொண்டுள்ளார்.

ஜனாதிபதியின் மேற்பார்வையின் கீழ் எடுக்கப்பட்டுள்ள அதிரடியான நடவடிக்கை

ஜனாதிபதியின் மேற்பார்வையின் கீழ் எடுக்கப்பட்டுள்ள அதிரடியான நடவடிக்கை

You may also like