மக்களுக்கு நன்மைபயக்கும் விடயங்களில் அரசாங்கத்துடன் இணைந்து பணியாற்ற தாம் எப்போதும் தயாராகவே இருப்பதாக இலங்கை தமிழரசு கட்சியின் பாராளுமன்ற உறுப்பினர் ப. சத்தியலிங்கம் தெரிவித்தார். அமைச்சர் பிமல் ரத்னாயக்க தலைமையில் வவுனியாவில் இன்று இடம்பெற்ற போக்குவரத்து, நெடுஞ்சாலைகள் மற்றும் நகர அபிவிருத்தி அமைச்சின் விசேட மாவட்ட அபிவிருத்திக்குழு கூட்டத்தில் கலந்து கொண்டு உரையாற்றிய போதே அவர் இதனை குறிப்பிட்டார். இதனையடுத்து தொடர்ந்து உரையாற்றிய அவர், மாவட்டத்தில் காணப்படும் பல்வேறு முக்கிய பிரச்சினைகள் தொடர்பில் அமைச்சர் மற்றும் துறைசார் திணைக்கள அதிகாரிகளிடம் விளக்கியுள்ளார். வவுனியா நகரில் காணப்படும் வடிகான்கள் குப்பைகள் நிறைந்து நீர் வழிந்தோடமுடியாது காணப்படுகின்றது.&nbsp; யார் இதனை துப்பரவு செய்வது என்பதே இதற்கு காரணமாகும்.&nbsp; இதற்கு ஒரு தீர்வு பெற்றுத்தர வேண்டும். இதனையடுத்து எழுந்த நீண்ட வாதப்பிரதிவாதங்களின் பின்னர், இதற்கு பதிலளித்த அமைச்சர் பிமல் ரத்னாயக்க, குறித்த வடிகான்களை துப்பரவு செய்யும் பொறுப்பு உள்ளூராட்சி மன்றங்களுக்கு உரியதெனவும், அவற்றை திருத்தம் செய்யும் பொறுப்பு குறித்த திணைக்களங்களுக்குரியதெனவும் தெரிவித்திருந்தார்.

அரசாங்கத்துடன் இணைந்து பணியாற்ற தயாராகவிருப்பதாக சத்தியலிங்கம் எம்.பி அறிவிப்பு

அரசாங்கத்துடன் இணைந்து பணியாற்ற தயாராகவிருப்பதாக சத்தியலிங்கம் எம்.பி அறிவிப்பு

You may also like