வெளிநாட்டில் தங்கியிருக்கும் ஒழுங்கமைக்கப்பட்ட குற்றவாளியான அவிஷ்க அல்லது 'அல்பா' (Alpha) என்பவரின் உள்நாட்டு போதைப்பொருள் கடத்தலை வழிநடத்திய 'பண்டாரகம அசேல', பாணந்துறை பிரதேச குற்றப் புலனாய்வுப் பிரிவினரால் கைது செய்யப்பட்டுள்ளார். பல கொள்ளைச் சம்பவங்களுடன் தொடர்புடைய சந்தேக நபரான இவர் வசமிருந்த வெளிநாட்டில் தயாரிக்கப்பட்ட ரிவோல்வர் ரக துப்பாக்கியொன்றும்&nbsp;பொலிஸாரால் கைப்பற்றப்பட்டுள்ளது. பாணந்துறை பிரதேச புலனாய்வுப் பிரிவினருக்குக் கிடைத்த தகவலுக்கமைய, ரைகம பிரதேசத்திலுள்ள அவரது வீட்டில்&nbsp;கைது செய்யப்பட்டுள்ளார். வெளிநாட்டில் உள்ள அவிஷ்க அல்லது 'அல்பா'வின் போதைப்பொருள் கடத்தல் மற்றும் ஆயுதக் கடத்தல் உள்ளிட்ட பல குற்றச் செயல்களுடன் இந்தச் சந்தேக நபர் தொடர்புபட்டுள்ளதாக பொலிஸார் தெரிவித்தனர். பொலிஸார் சந்தேக நபரின் வீட்டைச் சுற்றிவளைத்து இவரைக் கைது செய்ததுடன், அங்கு முன்னெடுக்கப்பட்ட விசாரணைகளின்போது பிளாஸ்டிக் குழாயொன்றிற்குள் மறைத்து வைக்கப்பட்டிருந்த குறித்த துப்பாக்கி கண்டுபிடிக்கப்பட்டுள்ளது. கைது செய்யப்பட்ட சந்தேக நபர் மேலதிக விசாரணைகளுக்காக பண்டாரகம பொலிஸாரிடம் ஒப்படைக்கப்படவுள்ளார்.

பாதாள உலக குற்றவாளியான'பண்டாரகம அசேல' கைது

பாதாள உலக குற்றவாளியான'பண்டாரகம அசேல' கைது

You may also like