நாட்டில் நிலவும் எரிவாயு தட்டுப்பாட்டுக்கு அரசாங்கம் உடனடியாகத் தீர்வுகளை வழங்க வேண்டுமென ஸ்ரீ லங்கா பொதுஜன பெரமுனவின் தேசிய அமைப்பாளர் நாமல் ராஜபக்ஷ தெரிவித்துள்ளார். சர்ச்சைக்குரிய கிரிஷ் திட்ட கொடுக்கல் வாங்கல் தொடர்பில் கொழும்பு மேல்நீதிமன்றில்&nbsp;இடம்பெற்ற வழக்கு விசாரணைகளின் பின்னர், ஊடகங்களுக்கு கருத்து வெளியிட்ட போதே அவர் இதனை குறிப்பிட்டுள்ளார்.&nbsp; நாட்டின் பல பாகங்களிலும் எரிவாயு தட்டுப்பாட்டு நிலவுகிறது இதற்கான உடனடி தீர்வாக, ஹம்பாந்தோட்டை துறைமுக பொருளாதார வலயத்தில் அமைந்துள்ள எரிவாயு முனையத்திலிருந்து சந்தைக்கு எரிவாயுவை விநியோகிக்க நடவடிக்கை எடுக்க வேண்டும். குறித்த முனையத்திலிருந்து தற்போது எரிவாயு மறு-ஏற்றுமதி&nbsp;மட்டுமே செய்யப்படுகின்றது. இருந்த போதிலும், தற்போதைய நெருக்கடி நிலையைக் கருத்திற்கொண்டு அந்தப் கொள்கையைத் தற்காலிகமாக மாற்றி உள்நாட்டுச் சந்தைக்கு எரிவாயுவை விநியோகிக்க வேண்டும். அத்துடன், கடந்த காலங்களில் அரசாங்கம் சரியான நேரத்தில் முறையான தீர்மானங்களை எடுக்கவில்லை. இதனால் மக்கள் பெரும் இன்னல்களுக்கு முகம் கொடுத்துள்ளனர். தற்போதைய தட்டுப்பாட்டை நீக்க அரசாங்கம் துரிதமாகச் செயற்பட வேண்டும் எனவும் நாமல் ராஜபக்ஷ வலியுறுத்தியுள்ளார்.

எரிவாயு தட்டுப்பாட்டுக்கு தீர்வு வழங்க வேண்டும் - நாமல்

எரிவாயு தட்டுப்பாட்டுக்கு தீர்வு வழங்க வேண்டும் - நாமல்

You may also like