இந்திய வெளியுறவுத்துறை அமைச்சர் சுப்ரமணியம் ஜெய்சங்கர் ஈரான் வெளியுறவு அமைச்சர் செய்யித் அப்பாஸ் அரக்சியுடன் தொலைபேசி ஊடாக உரையாடியுள்ளார். மத்திய கிழக்கில் நெருக்கடி ஆரம்பித்த பின்னர் இரு நாடுகளுக்கும் இடையே இடம்பெற்ற மூன்றாவது உயர்மட்டப் பேச்சுவார்த்தை இதுவாகும். இதன்போது நிலவும் மோதல் நிலையின் தற்போதைய முன்னேற்றங்கள் குறித்து விரிவாகக் கலந்துரையாடியதாக அமைச்சர் ஜெய்சங்கர் தனது சமூக வலைத்தளப் பக்கத்தில் பதிவிட்டுள்ளார். பிராந்திய நெருக்கடி நிலை தொடர்பில் இரு நாடுகளும் தொடர்ச்சியாகத் தொடர்பில் இருப்பதற்கு இதன்போது உடன்பாடு எட்டப்பட்டதாகவும் தெரிவிக்கப்படுகின்றது. அதேநேரம், ஈரானின் புதிய உயர் தலைவராகப் பொறுப்பேற்ற பின்னர் இரு அமைச்சர்களுக்கும் இடையே இடம்பெற்ற முதலாவது உரையாடல் இதுவாகும். மத்திய கிழக்கில் பதற்றம் உச்சக்கட்டத்தை அடைந்துள்ள சூழலில், இந்தியாவின் இந்த இராஜதந்திர நகர்வு சர்வதேச ரீதியில் முக்கியத்துவம் பெறுகின்றது.

இந்திய - ஈரான் அமைச்சர்களுக்கிடையே தொலைபேசி உரையாடல்

இந்திய - ஈரான் அமைச்சர்களுக்கிடையே தொலைபேசி உரையாடல்

You may also like