செயற்கை நுண்ணறிவு (AI) தொழில்நுட்பத்தின் எதிர்காலப் பாதை குறித்து உலகளாவிய தலைவர்கள், கொள்கை வகுப்பாளர்கள் மற்றும் கண்டுபிடிப்பாளர்கள் ஒன்றிணைந்து ஆலோசிப்பதற்கான 'இந்தியா-AI தாக்க உச்சிமாநாடு 2026' (India-AI Impact Summit 2026) புதுடெல்லியில் பெப்ரவரி 16 முதல் 20 வரை நடைபெறவுள்ளது. கொழும்பிலுள்ள இந்திய உயர்ஸ்தானிகராலயம் வெளியிட்டுள்ள அறிக்கையின்படி, இந்த உச்சிமாநாடு மக்கள் (People), பூமி (Planet) மற்றும் முன்னேற்றம் (Progress) ஆகிய மூன்று முக்கிய சூத்திரங்களை அடிப்படையாகக் கொண்டது. இவை AI தொடர்பான சர்வதேச ஒத்துழைப்பில் இந்தியாவின் அணுகுமுறையை வரையறுக்கின்றன.இலங்கையைப் பிரதிநிதித்துவப்படுத்தி இந்த முக்கிய உலகளாவிய மாநாட்டில் கலந்துகொள்வதற்காக ஜனாதிபதி அநுர குமார திஸாநாயக்க நாளை புதுடெல்லி செல்லவுள்ளார். இந்தியப் பிரதமர் நரேந்திர மோடியின் அழைப்பின் பேரில், இந்த உச்சிமாநாட்டில் பங்கேற்கவுள்ள உலகத் தலைவர்களில் சிலரின் விபரம் வருமாறு: <ol><li>பூட்டான் – செரிங் டோப்கே, பிரதமர்</li><li>பொலிவியா – எட்மண்ட் லாரா மொன்டானோ, துணைத் தலைவர்</li><li>பிரேசில் – லூயிஸ் இனாசியோ லுலா டா சில்வா, ஜனாதிபதி</li><li>குரோஷியா – ஆண்ட்ரேஜ் பிளென்கோவிக், பிரதமர்</li><li>எஸ்டோனியா – அலார் கரிஸ், ஜனாதிபதி</li><li>பின்லாந்து – பெட்டரி ஓர்போ, பிரதமர்</li><li>பிரான்ஸ் – இம்மானுவேல் மக்ரோன், ஜனாதிபதி</li><li>கிரீஸ் – கிரியாகோஸ் மிட்சோடாகிஸ், பிரதமர்</li><li>கயானா – கலாநிதி பாரத் ஜக்தியோ, துணைத் தலைவர்</li><li>கஜகஸ்தான் – ஓல்ஜாஸ் பெக்டெனோவ், பிரதமர்</li><li>லீச்செஸ்டைன் – இளவரசர் அலோயிஸ்</li><li>மொரிஷியஸ் – கலாநிதி நவீன்சந்திர ராம்குலாம், பிரதமர்</li><li>செர்பியா – அலெக்சாண்டர் வுசிக், ஜனாதிபதி</li><li>ஸ்லோவாக்கியா – பீட்டர் பெல்லெக்ரினி, ஜனாதிபதி</li><li>ஸ்பெயின் – பெட்ரோ சான்செஸ் பெரெஸ்-காஸ்டெஜான், ஜனாதிபதி</li><li>இலங்கை – அணுர குமார திஸாநாயக்க, ஜனாதிபதி</li><li>சீஷெல்ஸ் – செபாஸ்டியன் பிள்ளை, துணைத் தலைவர்</li><li>சுவிட்சர்லாந்து – கை பார்மெலின், ஜனாதிபதி</li><li>நெதர்லாந்து – டிக் ஷூஃப், பிரதமர்</li><li>ஐக்கிய அரபு அமீரகம் – ஷேக் காலித் பின் முகமது பின் சயீத் அல் நஹ்யான், அபுதாபியின் கிரீட இளவரசர்</li></ol> மேலும், 45-க்கும் மேற்பட்ட நாடுகளின் அமைச்சர்கள் அளவிலான பிரதிநிதிகள் இந்த மாநாட்டில் கலந்துகொள்வார்கள் என எதிர்பார்க்கப்படுகிறது. அத்துடன், ஐக்கிய நாடுகள் சபையின் பொதுச்செயலாளர் மற்றும் பல சர்வதேச நிறுவனங்களின் சிரேஷ்ட அதிகாரிகளும் இந்த ஆலோசனைகளில் இணைந்து கொள்ளவுள்ளனர் என்பதும் குறிப்பிடத்தக்கது,

இந்தியா-AI உச்சிமாநாடு 2026: ஜனாதிபதி அநுர குமார திஸாநாயக்கவும் பங்கேற்பு

இந்தியா-AI உச்சிமாநாடு 2026: ஜனாதிபதி அநுர குமார திஸாநாயக்கவும் பங்கேற்பு

You may also like