தேசிய கட்டிட ஆராய்ச்சி நிறுவனம் (NBRO) பல மாவட்டங்களுக்கு புதிய மண்சரிவு முன்னெச்சரிக்கை அறிவிப்பை வெளியிட்டுள்ளது. இந்த எச்சரிக்கை இன்று (07) இரவு 7.00 மணி முதல் நாளை (08) இரவு 7.00 மணி வரையான 24 மணித்தியாலங்களுக்கு அமுலில் இருக்கும் என தெரிவிக்கப்பட்டுள்ளது. இதன்படி, பதுளை மாவட்டத்தின் பசறை, கேகாலை மாவட்டத்தின் மாவத்தகம மற்றும் ருவன்வெல்ல ஆகிய பிரதேசங்களுக்கு மட்டம் 2 – அவதானமாக இருங்கள் (செம்மஞ்சள்) எச்சரிக்கை விடுக்கப்பட்டுள்ளது. இதேவேளை, களுத்துறை மாவட்டத்தின் வலல்லாவிட்ட, கண்டி மாவட்டத்தின் உடுதும்பரை, கேகாலை மாவட்டத்தின் தெஹியோவிட்ட மற்றும் கேகாலை, இரத்தினபுரி மாவட்டத்தின் இரத்தினபுரி, எஹெலியகொடை, அயகம, வெலிகேபொல மற்றும் குருவிட்ட ஆகிய பகுதிகளுக்கு மட்டம் 1 – விழிப்புடன் இருங்கள் (மஞ்சள்) எச்சரிக்கை விடுக்கப்பட்டுள்ளது. குறித்த பகுதிகளில் வசிக்கும் பொதுமக்கள் மற்றும் வாகன சாரதிகள் திடீர் மண்சரிவு அல்லது மண்மேடுகள் சரிந்து விழும் அபாயம் தொடர்பில் மிகுந்த அவதானத்துடனும் விழிப்புடனும் செயற்படுமாறு அறிவுறுத்தப்பட்டுள்ளனர்.

பல மாவட்டங்களுக்கு மண்சரிவு முன்னெச்சரிக்கை

பல மாவட்டங்களுக்கு மண்சரிவு முன்னெச்சரிக்கை

You may also like