இலங்கையில் விலங்கு மருத்துவர்கள் மற்றும் விலங்கு மருத்துவத் தொழிலர்களின் தொழில்சார் நடத்தைகளை ஒழுங்குபடுத்தும் நோக்கில் தயாரிக்கப்பட்டுள்ள புதிய ஒழுங்குவிதிகளைப் பாராளுமன்ற அங்கீகாரத்திற்குச் சமர்ப்பிப்பதற்கு அமைச்சரவை அனுமதி வழங்கியுள்ளது. விலங்கு மருத்துவர்கள் மற்றும் விலங்கு மருத்துவத் தொழிலர்களைப் பதிவு செய்தல், அவர்களின் தொழில்சார் தகைமைகளை வரையறுத்தல் மற்றும் விலங்கு மருத்துவத் தொழிலை ஒழுங்குபடுத்துதல் ஆகிய நோக்கங்களுக்காக 1956ஆம் ஆண்டின் 46ஆம் இலக்க விலங்கு மருத்துவர்கள் மற்றும் விலங்கு மருத்துவத் தொழிலாளர்கள் சட்டம் அறிமுகப்படுத்தப்பட்டது. இதன் கீழ், தொழில்சார் ஒழுக்கத்திற்கு முரணான நடத்தை, பதவியைத் தவறாகப் பயன்படுத்துதல் உள்ளிட்ட செயற்பாடுகள் 'அபகீர்த்தியான நடத்தை' என வரையறுக்கப்பட்டுள்ளன. அத்தகைய நடத்தைகள் தொடர்பில் விசாரணைகளை முன்னெடுப்பதற்காக விசாரணைக் குழுக்களை நியமித்தல், குற்றம் நிரூபிக்கப்பட்டால் சம்பந்தப்பட்டவர்களின் பதிவைத் தற்காலிகமாக இடைநிறுத்துதல் அல்லது இரத்துச் செய்தல் மற்றும் எச்சரிக்கை விடுத்தல் உள்ளிட்ட ஒழுங்கு நடவடிக்கைகளை மேற்கொள்ள இலங்கை விலங்கு மருத்துவப் பேரவைக்கு அதிகாரம் வழங்கப்படவுள்ளது. குறித்த ஒழுங்குவிதிகள் 2026 ஜனவரி 5ஆம் திகதி வெளியிடப்பட்ட 2470/12ஆம் இலக்க அதிவிசேட வர்த்தமானி மூலம் வெளியிடப்பட்டுள்ளன. இதற்கமைய, 2025ஆம் ஆண்டின் 01ஆம் இலக்க விலங்கு மருத்துவர்கள் மற்றும் விலங்கு மருத்துவத் தொழிலாளர்கள் (அபகீர்த்தியான நடத்தை) ஒழுங்குவிதிகளைப் பாராளுமன்ற அங்கீகாரத்திற்குச் சமர்ப்பிப்பதற்காக விவசாயம், கால்நடை வளங்கள், காணி மற்றும் நீர்ப்பாசன அமைச்சர் முன்வைத்த யோசனைக்கு அமைச்சரவை அங்கீகாரம் வழங்கியுள்ளது.

மருத்துவத் தொழிலர்களின் ஒழுக்கநெறி தொடர்பான புதிய ஒழுங்குவிதிகள்!

மருத்துவத் தொழிலர்களின் ஒழுக்கநெறி தொடர்பான புதிய ஒழுங்குவிதிகள்!

You may also like