போயிங் நிறுவனத்திடம் இருந்து 200 விமானங்களை வாங்க சீனா ஒப்புக்கொண்டிருப்பதாக அமெரிக்க ஜனாதிபதி ட்ரம்ப் தெரிவித்துள்ளார். சீனாவில் அமெரிக்க ஜனாதிபதி ட்ரம்ப் அண்மையில் சுற்றுப்பயணம் செய்தார். அப்போது அமெரிக்க நிறுவனங்கள்- சீனா இடையே பல்வேறு வர்த்தக உடன்படிக்கைகள் கையொப்பமாகின. இதில் உலகின் முன்னணி விமானத் தயாரிப்பு நிறுவனமான அமெரிக்காவைச் சேர்ந்த போயிங் நிறுவனத்துடன் செய்து கொள்ளப்பட்ட ஒப்பந்தமும் ஒன்றாகும். ‘200 விமானங்களை போயிங்கிடம் வாங்க சீனா ஒப்புக்கொண்டுள்ளது. இதேபோல் எதிர்காலத்தில் மேலும் 750 விமானங்களை வாங்கவும் சம்மதம் தெரிவித்துள்ளது’ என சீனாவில் இருந்து நாடு திரும்பும் வழியில் ஏர் ஃபோர்ஸ் ஒன் விமானத்தில் (அமெரிக்க ஜனாதிபதிக்கான பிரத்யேக விமானம்) ட்ரம்ப் செய்தியாளா்களிடம் தெரிவித்துள்ளார். போயிங் நிறுவனமும் சீனா 200 விமானங்கள் வாங்க ஒப்புக்கொண்டிருப்பதை உறுதி செய்துள்ளது. ஆனால், அது எந்த ரக விமானம் உள்ளிட்ட தகவலை போயிங் வெளியிடவில்லை. இதுகுறித்து போயிங் நிறுவனம் வெளியிட்ட அறிவிப்பில், ‘சீன பயணம் வெற்றிகரமாக அமைந்தது. போயிங் விமானத்துக்கு சீனாவில் சந்தையை மீண்டும் திறக்க வைக்கும் எங்களது முக்கிய இலக்கு சாத்தியமாகிவிட்டது. சீனாவின் விமானத் தேவையை தொடா்ந்து பூர்த்தி செய்ய எதிர்நோக்கி உள்ளோம்’ எனக் குறிப்பிடப்பட்டுள்ளது.

200 போயிங் விமானங்கள் வாங்க சீனா ஒப்புதல்

200 போயிங் விமானங்கள் வாங்க சீனா ஒப்புதல்

You may also like