அம்பலாங்கொடை – அஹுங்கல்ல பொலிஸ் பிரிவிற்குட்பட்ட வெலிகந்த பகுதியில் உள்ள பெண் ஒருவர் மீது துப்பாக்கிச் சூடு நடத்த மேற்கொள்ளப்பட்ட முயற்சி துப்பாக்கி இயங்காத காரணத்தினால் தோல்வியடைந்துள்ளது. இன்று (14) இரவு குறித்த வீட்டிற்கு வந்த நபரொருவர், கதவைத் தட்டியுள்ளார். இதனையடுத்து வீட்டில் தனியாக இருந்த பெண் கதவைத் திறந்தபோது, அந்த நபர் துப்பாக்கியால் அவரை சுட முயன்றுள்ளார். எனினும், துப்பாக்கி இயங்காததைத் தொடர்ந்து, குறித்த நபர் அங்கிருந்து தப்பிச் சென்றுள்ளதாக பொலிஸார் தெரிவித்துள்ளனர். இவ்வாறு அதிர்ஷ்டவசமாக உயிர் தப்பிய பெண், போதைப்பொருள் கடத்தல் சம்பவங்கள் தொடர்பில் பலமுறை சிறைவாசம் அனுபவித்த 'குடு நோனி' என அழைக்கப்படும் லியன கமகே அனோமா என அடையாளம் காணப்பட்டுள்ளார். சம்பவம் தொடர்பில் அஹுங்கல்ல பொலிஸார் மேலதிக விசாரணைகளை மேற்கொண்டு வருகின்றனர்.

அஹுங்கல்லையில் ‘குடு நோனி’ மீது துப்பாக்கிச் சூடு முயற்சி

அஹுங்கல்லையில் ‘குடு நோனி’ மீது துப்பாக்கிச் சூடு முயற்சி

You may also like