பிரேசில் நாட்டின் சயோ ஜோஸ் டோ ஜேக்குயூப் நகர் அருகிலுள்ள தேசிய நெடுஞ்சாலையில் சென்ற மினி பஸ்ஸுடன் லொரி மோதி விபத்துக்குள்ளாகியுள்ளது. குறித்த மினி பஸ் கடற்கரை நகரான&nbsp;குவாராஜூபாவில் உள்ள கடற்கரைக்கு சுற்றுலா சென்று ஜாக்கோபினா நகருக்கு திரும்பிச் செல்லும் போதே இவ்விபத்து நேர்ந்துள்ளது. இவ்விபத்தில் 25 பேர் சம்பவ இடத்திலேயே உயிரிழந்ததுடன் 6 பேர் படுகாயமடைந்துள்ளனர். படுகாயம் அடைந்தவர்கள் அருகிலுள்ள வைத்திசாலையில் அனுமதிக்கப்பட்டுள்ளனர். 25 பேர் உயிரிழந்ததைத் தொடர்ந்து ஜாக்கோபினா நகராட்சி மூன்று நாட்கள் துக்கம் அனுசரிக்கப்படும் எனத் தெரிவித்துள்ளது. விபத்து தொடர்பான விசாரனைகளை அந்நாட்டு பொலிஸார் மேற்கொண்டு வருவதுடன் வாகனத்தை முந்திச் செல்லும் போது குறித்த விபத்து நேர்ந்திருக்கலாமென சந்தேகிக்கப்படுகின்றது.

பிரேசிலில் லொறியுடன் பஸ் மோதி விபத்து - 25 பேர் சம்பவ இடத்திலேயே உயிரிழப்பு

பிரேசிலில் லொறியுடன் பஸ் மோதி விபத்து - 25 பேர் சம்பவ இடத்திலேயே உயிரிழப்பு

You may also like