இந்திய அணிக்கு எதிரான முதலாவது டெஸ்ட் போட்டியில் காயமடைந்த தினேஷ் சந்திமாலுக்குப் பதிலாக மாற்று வீரராக பசிந்து சூரியபண்டார இலங்கை அணியில் இணைத்துக் கொள்ளப்பட்டுள்ளார். போட்டியின் நான்காம் நாளில் பந்தைத் தடுக்க முயன்றபோது தினேஷ் சந்திமாலின் தோள்பட்டை மற்றும் தலை ஆகியவை மைதானத்தில் பலமாக மோதியதால் அவர் காயமடைந்தார். இதனைத் தொடர்ந்து முன்னெச்சரிக்கை நடவடிக்கையாக அவர் ஸ்கேன் பரிசோதனைக்கு உட்படுத்தப்பட்டார். பரிசோதனையின் முடிவில் அவருக்கு தீவிரமான உள்காயங்கள் எதுவும் ஏற்படவில்லை என்பது உறுதி செய்யப்பட்டுள்ளது. எனினும், அணியின் வைத்தியர் மற்றும் உடலியக்கவியல் சிகிச்சை நிபுணரின் கண்காணிப்பில் சந்திமாலின் உடல்நிலை தொடர்ந்து அவதானிக்கப்பட்டு வருகின்றது. இந்நிலையில், போட்டிக்கான மாற்று வீரராக பசிந்து சூரியபண்டாரவை அணியில் இணைத்துக்கொள்வதற்கு போட்டி மத்தியஸ்தரும் அனுமதி வழங்கியுள்ளார்.

தினேஷ் சந்திமாலுக்குப் பதிலாக பசிந்து சூரியபண்டார அணியில் இணைப்பு

தினேஷ் சந்திமாலுக்குப் பதிலாக பசிந்து சூரியபண்டார அணியில் இணைப்பு

You may also like