ஆஷஸ் தொடரின் முதலாவது டெஸ்ட் போட்டி பர்மிங்காமில் ஆரம்பமாகி இடம்பெற்று வருகின்றது.&nbsp; நாணய சுழற்சியில் வென்ற இங்கிலாந்து அணி துடுப்பாட்டத்தை தேர்வு செய்தது. அதன்படி, முதலில் துடுப்பாடிய இங்கிலாந்து அணி 78 ஓவரில் 8 விக்கெட்டுக்கு 393 ஓட்டங்கள் குவித்தது.&nbsp; ஜோ ரூட் பொறுப்புடன் துடுப்பாடி சதமடித்து அசத்தினார். அவர் 118 ஓட்டத்துடன் ஆட்டமிழக்காமல் உள்ளார். பேர்ஸ்டோவ் 78 ஓட்டங்களும், சாக் கிராலி 61 ஓட்டங்களும் எடுத்தனர். அவுஸ்திரேலிய அணி சார்பில் நாதன் லயன் 4 விக்கெட்டும், ஹசில்வுட் 2 விக்கெட்டும் வீழ்த்தினர். இதையடுத்து, முதல் இன்னிங்சை தொடங்கிய அவுஸ்திரேலியா 2 ஆம் நாள் முடிவில் 5 விக்கெட்டுக்கு 311 ஓட்டங்கள் எடுத்திருந்தது. தொடக்க ஆட்டக்காரரான உஸ்மான் கவாஜா பொறுப்புடன் துடுப்பாடி சதமடித்தார்.&nbsp; கவாஜா 126 ஓட்டமும் அலெக்ஸ் கேரி 52 ஓட்டமும் எடுத்து ஆட்டமிழக்காமல் உள்ளனர். இந்நிலையில், மூன்றாம் நாள் போட்டி நேற்று நடைபெற்றது.&nbsp; அலெக்ஸ் கேரி 66 ஓட்டத்தில் வெளியேறினார். பொறுப்புடன் துடுப்பாடிய கவாஜா 141 ஓட்டத்தில் ஆட்டமிழந்தார்.&nbsp;இறுதியில், அவுஸ்திரேலியா அணி முதல் இன்னிங்சில் 386 ஓட்டங்களுக்கு ஓல் அவுட்டானது. இங்கிலாந்து சார்பில் ஸ்டூவர்ட் பிராட், ஒல்லி ராபின்சன் ஆகியோர் தலா 3 விக்கெட்டும், மொயீன் அலி 2 விக்கெட்டும் வீழ்த்தினர்.&nbsp; இதையடுத்து, 7 ஓட்டங்கள் முன்னிலை பெற்ற இங்கிலாந்து இரண்டாவது இன்னிங்சை தொடர்ந்தது. ஜாக் கிராலி 7 ஓட்டத்துடன், பென் டக்கெட் 19 ஓட்டத்துடன் அவுட்டாகினர்.&nbsp;இறுதியில், இங்கிலாந்து 2 விக்கெட்டுக்கு 28 ஓட்டங்கள் எடுத்திருந்தபோது மழை குறுக்கிட்டதால் போட்டி கைவிடப்பட்டது. இதனால் இங்கிலாந்து அணி 35 ஓட்டங்களில் முன்னிலை பெற்றுள்ளது.

ஆஷஸ் தொடர் மழையால் பாதிப்பு - மூன்றாம் நாள் முடிவில் இங்கிலாந்து 28/2

ஆஷஸ் தொடர் மழையால் பாதிப்பு - மூன்றாம் நாள் முடிவில் இங்கிலாந்து 28/2

You may also like