தற்போது நிலவும் கனமழை காரணமாக இலங்கையின் பல முக்கிய நீர்த்தேக்கங்கள் மற்றும் ஆறுகளின் நீர்மட்டம் வேகமாக உயர்ந்து வருவதாக நீர்ப்பாசனத் திணைக்களம் தெரிவித்துள்ளது.&nbsp; ஈரவலயப் பகுதிகளில் கடந்த 24 மணித்தியாலங்களில் சுமார் 150 மில்லிமீற்றர் வரை மழைவீழ்ச்சி பதிவாகியுள்ளதுடன், களனி கங்கை, மகாவலி கங்கை, களு கங்கை, கிங் கங்கை, நில்வலா கங்கை மற்றும் அத்தனகலு ஓயா ஆகியவற்றின் நீர்மட்டங்கள் வேகமாக அதிகரித்து வருகின்றன. மகாவலி கங்கை நாவலப்பிட்டிய பகுதியில் முக்கிய வெள்ள மட்டத்தை எட்டியுள்ளதால், நாவலப்பிட்டிய, பேராதனை, கம்பளை மற்றும் அதனைச் சூழ்ந்த பகுதிகளில் வசிக்கும் மக்கள் மிகுந்த அவதானத்துடன் இருக்குமாறு அறிவுறுத்தப்பட்டுள்ளனர்.&nbsp; அதேபோன்று களனி கங்கையின் நீர்மட்டமும் நோர்வுட், கித்துல்கல மற்றும் அவிசாவளை பகுதிகளில் உயர்ந்து வருவதால், அவிசாவளை, கித்துல்கல, யட்டியாந்தோட்டை மற்றும் நோர்வுட் பகுதிகளுக்கும் எச்சரிக்கை விடுக்கப்பட்டுள்ளது.&nbsp; களு கங்கையில் இரத்தினபுரி, மில்லகந்த மற்றும் மகுரு ஓயா பகுதிகளிலும் நீர்மட்டம் கணிசமாக உயர்ந்துள்ளதுடன், சில பகுதிகளில் சிறிய வெள்ளப்பெருக்கும் பதிவாகியுள்ளது. மேலும், குடா கங்கை, புளத்சிங்கள மற்றும் பாலிந்தநுவர பகுதிகளிலும் மக்கள் அவதானமாக இருக்குமாறு அறிவுறுத்தப்பட்டுள்ளது.&nbsp; நில்வலா மற்றும் கிங் கங்கைகளின் மேல் நீர்ப்பிடிப்புப் பகுதிகளில் 100 மில்லிமீற்றருக்கும் அதிகமான மழைவீழ்ச்சி பதிவாகியுள்ளதால், தவளம, ஹினிதும மற்றும் நாகொட பகுதிகளிலும் நீர்மட்டம் உயர்ந்து வருகிறது.&nbsp; நில்வலா கங்கை நீர்மட்டம் தொடர்ந்து அதிகரித்து வருவதால் அகுரஸ்ஸ மற்றும் பிடபெத்தர தாழ்நிலப் பகுதிகளில் வசிப்பவர்கள், அடுத்த சில மணித்தியாலங்களில் பெய்யக்கூடிய மழையை கருத்தில் கொண்டு மிகுந்த அவதானத்துடன் இருக்குமாறு நீர்ப்பாசனத் திணைக்களம் கேட்டுக்கொண்டுள்ளது.

பிரதான நீர்த்தேக்கங்களின் நீர்மட்டம் உயர்வு

பிரதான நீர்த்தேக்கங்களின் நீர்மட்டம் உயர்வு

You may also like