யாழ்ப்பாணத்தில் இருவேறு வாகன விபத்தில் இருவர் உயிரிழந்துள்ளனர். அதன்படி, கொழும்பிலிருந்து யாழ்ப்பாணம் நோக்கிச் சென்ற ரயிலில் இருந்து இறங்க முற்பட்ட பெண்ணொருவர் அதிலிருந்து தவறி விழுந்து நேற்று (16) உயிரிழந்துள்ளார். குறித்த பெண் இருந்த பெட்டியின் வாயிலினூடாக இறங்குவதற்கு இறங்குதளம் இல்லாத காரணத்தால் வேறு பெட்டியினூடாக இறங்குவதற்கு முற்பட்ட வேளையில் ரயில் நகர்ந்ததால் குறித்த பெண் கீழே விழுந்து படுகாயமடைந்துள்ளார். காயமடைந்த பெண்ணை சாவகச்சேரி ஆதார வைத்தியாசலையில் சேர்த்த பின்னர்&nbsp;சிகிச்சை பலனின்றி உயிரிழந்துள்ளார்.&nbsp; சாவகச்சேரி கோவிற்குடியிருப்பைச் சேர்ந்த 53 வயதான பெண்ணே இவ்வாறு உயிரிழந்துள்ளார். விபத்து தொடர்பான மேலதிக விசாரணைகளை சாவகச்சேரி பொலிஸார் முன்னெடுத்து வருகின்றனர்.&nbsp; மேலும் யாழ்ப்பாணத்தில் சொகுசு பேருந்து மோதியதில் மீன் வியாபாரி உயிரிழந்துள்ளார். மோட்டார் சைக்கிளில் பயணித்த மீன் வியாபாரியை சுற்றுலா பயணிகளை ஏற்றிச்சென்ற சொகுசு பேருந்து மோதியதில் சம்பவ இடத்திலேயே வியாபாரி உயிரிழந்தார். சம்பவம் தொடர்பான மேலதிக விசாரணைகளை ஊர்காவற்துறை பொலிஸார் முன்னெடுத்து வருகின்றனர்.&nbsp;

யாழில் இருவேறு விபத்துக்களில் இருவர் உயிரிழப்பு

யாழில் இருவேறு விபத்துக்களில் இருவர் உயிரிழப்பு

You may also like