கொழும்பு துறைமுக நகரத்தில் கடத்தப்பட்டு பின்னர் படுகொலை செய்யப்பட்ட நிலையில் சடலமாக மீட்கப்பட்ட சீன நாட்டவர், இணையம் தொடர்பான மோசடிகள் மூலம் பணம் சம்பாதித்ததாக சந்தேகிக்கப்படும் நபர் என கொழும்பு வலயப் பிரதிப் பொலிஸ் மா அதிபர் நிஷாந்த டி சொய்சா தெரிவித்தார். கடந்த நாட்களில் கொழும்பு மற்றும் மேல் மாகாணத்தில் பதிவான பல சம்பவங்கள் தொடர்பான உண்மைகளைத் தெளிவுபடுத்துவதற்காக இன்று (27) நடைபெற்ற ஊடகவியலாளர் சந்திப்பின் போதே பிரதிப் பொலிஸ் மா அதிபர் நிஷாந்த டி சொய்சா இதனைக் குறிப்பிட்டார். துறைமுக நகர வளாகத்தில் இரண்டு சீன நாட்டவர் குழுக்களுக்கு இடையே ஏற்பட்ட மோதலைத் தொடர்ந்து கடந்த ஜூலை 23 ஆம் திகதி இந்தச் சம்பவம் இடம்பெற்றுள்ளதாக பொலிஸார் தெரிவித்தனர். இந்தச் சம்பவத்தின் போது, நபர் ஒருவர் கடத்தப்பட்டு பின்னர் படுகொலை செய்யப்பட்டதுடன், அவரது சடலம் பின்னர் எஹலியகொட பகுதியில் கண்டெடுக்கப்பட்டது. சம்பவம் தொடர்பான விசாரணைகள் தொடர்ந்து நடைபெற்று வருவதாகவும், குற்றச் செயலுக்குப் பின்னர் உடனடியாக நாட்டை விட்டுத் தப்பியோட முயன்ற இரண்டு சந்தேக நபர்கள் கைது செய்யப்பட்டுள்ளதாகவும் பிரதிப் பொலிஸ் மா அதிபர் டி சொய்சா தெரிவித்தார். கைது செய்யப்பட்டுள்ள இருவரும் இச்சம்பவத்துடன் தொடர்புடைய முக்கிய சந்தேக நபர்கள் என அவர் அடையாளம் காணப்பட்டுள்ளனர். கொலை தொடர்பில் இதுவரை 8 சந்தேக நபர்களை பொலிஸார் அடையாளம் கண்டுள்ளனர். அவர்களில் மூவர் இலங்கையை விட்டு வெளியேறியுள்ளதாகத் தெரிவிக்கப்படுவதோடு, விசாரணைகளுக்கு உதவுவதற்காக அவர்களை நாட்டுக்கு அழைத்து வருவதற்கான நடவடிக்கைகள் எடுக்கப்பட்டு வருகின்றன. மேலும், குற்றச் செயலுக்குப் பயன்படுத்தப்பட்டதாக நம்பப்படும் இரண்டு ஏர் பிஸ்டல்கள், ஒரு கைபேசி, வோக்கி-டோக்கி மற்றும் பல வாகனங்களையும் அதிகாரிகள் அடையாளம் கண்டுள்ளனர். இச்சம்பவம் தொடர்பான மேலதிக நடவடிக்கைகளை உறுதி செய்வதற்காக, இலங்கையில் உள்ள சீன தூதரகம் மற்றும் சீன அரசாங்கத்துடன் இணைந்து விசாரணைகள் மேற்கொள்ளப்பட்டு வருவதாகவும் பிரதிப் பொலிஸ் மா அதிபர் டி சொய்சா மேலும் தெரிவித்தார்.

கொலை செய்யப்பட்ட சீன பிரஜை இணைய மோசடியில் ஈடுபட்டிருக்கலாம்?

கொலை செய்யப்பட்ட சீன பிரஜை இணைய மோசடியில் ஈடுபட்டிருக்கலாம்?

You may also like