இலங்கை மற்றும் இந்திய அணிகளுக்கு இடையிலான முதலாவது டெஸ்ட் போட்டியில், இலங்கை அணிக்கு 372 ஓட்டங்கள் வெற்றி இலக்காக நிர்ணயிக்கப்பட்டுள்ளது. காலி சர்வதேச கிரிக்கெட் மைதானத்தில் நடைபெற்று வரும் போட்டியில், இந்திய அணி தனது முதலாவது இன்னிங்ஸில் 462 ஓட்டங்களையும், இலங்கை அணி 284 ஓட்டங்களையும் பெற்றது. இதன்பின்னர் 178 ஓட்டங்கள் முன்னிலையுடன் இரண்டாவது இன்னிங்ஸைத் தொடர்ந்த இந்திய அணி, போட்டியின் நான்காம் நாளான இன்று 193 ஓட்டங்களுக்கு சகல விக்கெட்டுகளையும் இழந்தது. இந்திய அணி சார்பில் ரிஷப் பண்ட் 66 ஓட்டங்களையும், தேவ்தத் படிக்கல் 44 ஓட்டங்களையும் பெற்றனர். இலங்கை அணியின் பந்துவீச்சில் அசித பெர்னாண்டோ 31 ஓட்டங்களுக்கு 4 விக்கெட்டுகளையும், பிரபாத் ஜயசூரிய 3 விக்கெட்டுகளையும் வீழ்த்தினர். இதன்மூலம் இந்திய அணி முதலாவது இன்னிங்ஸ் முன்னிலையையும் சேர்த்து மொத்தமாக 371 ஓட்டங்கள் முன்னிலை பெற்றதுடன், இலங்கை அணிக்கு 372 ஓட்டங்கள் வெற்றி இலக்காக நிர்ணயிக்கப்பட்டுள்ளது.

இலங்கைக்கு 372 ஓட்டங்கள் வெற்றி இலக்கு

இலங்கைக்கு 372 ஓட்டங்கள் வெற்றி இலக்கு

You may also like