இராமநாதபுரத்திலிருநது சட்டவிரோதமாக இலங்கைக்குப் படகு மூலம் கடத்துவதற்காகப் பதுக்கி வைக்கப்பட்டிருந்த 91 இலட்சம் ரூபாய் பெறுமதியான 7 இலட்சம் வெளிநாட்டு சிகரெட்டுகள் மற்றும் கடத்தலுக்குப் பயன்படுத்தப்பட்ட வாகனம் ஆகியவற்றை இன்று (18) பறிமுதல் செய்துள்ளதாக மெரைன் பொலிஸார் தெரிவித்துள்ளனர். இன்று அதிகாலை ஒரு மணியளவில் புதுமடம் மெரைன் பொலிஸாரும் கீழக்கரை சுங்கத்துறை அதிகாரிகளும் இணைந்து சோதனை நடவடிக்கையில் ஈடுபட்டுள்ளனர். இதன்போது, வாகனமொன்றிலிருந்து 35 சாக்கு மூட்டைகளைச் சோதனை செய்தபோது, அவற்றில் 7 இலட்சம் வெளிநாட்டு சிகரெட்டுகள் மீட்கப்பட்டுள்ளதுடன் ஒருவர் கைதுசெய்யப்பட்டுள்ளார். புதுமடம் மேற்குத் தெருவைச் சேர்ந்த 38 வயதுடையவரே இவ்வாறு கைதுசெய்யப்பட்டுள்ளார்.&nbsp; பறிமுதல் செய்யப்பட்ட சிகரெட்டுகள் மற்றும் கடத்தலுக்குப் பயன்படுத்தப்பட்ட சரக்கு வாகனம் ஆகியவற்றை மெரைன் பொலிஸார் சுங்கத்துறை அதிகாரிகளிடம் ஒப்படைத்துள்ளனர்.

சட்டவிரோதமாக கடத்த முயன்ற 7 இலட்சம் சிகரெட்டுகள் மீட்பு

சட்டவிரோதமாக கடத்த முயன்ற 7 இலட்சம் சிகரெட்டுகள் மீட்பு

You may also like