கடந்த அரசாங்கங்களால் பிரசார நடவடிக்கைகளுக்காகப் பயன்படுத்தப்பட்ட மக்களுக்கு அசௌகரியத்தை ஏற்படுத்தும் மற்றும் வீண்விரயமான நடைமுறைகளை முற்றாக நிராகரித்து, அதிகாரத்திற்கு வந்த&nbsp;தேசிய மக்கள் சக்தி அரசாங்கமும் இன்று அதே வழியில் பிரசாரங்களை மேற்கொள்வதாக மக்கள் மத்தியில் பல கருத்தாடல்கள் உருவாகியுள்ளன. 'வேலை செய்வோம் - நாட்டைக் கட்டியெழுப்புவோம் உழைக்கும் மக்களின் சக்தியைப் பாதுகாப்போம்' எனும் தொனிப்பொருளின் கீழ்&nbsp;07 ஆம் திகதி மாளிகாவத்தை பி.டி. சிறிசேன விளையாட்டு மைதானத்தில் நடைபெறவுள்ள தொழிற்சங்க தேசிய மாநாட்டிற்காக தற்போது அந்த விளையாட்டு மைதானத்தைச் சூழவிருக்கும் பகுதிகளிலும் கொழும்பு நகரம் முழுவதிலும் முன்னெடுக்கப்பட்டுள்ள பிரசார நடவடிக்கையே கடும் விமர்சனத்திற்கு உள்ளாகியுள்ளது. கொழும்பின் பிரதான வீதிகளிலுள்ள மின்சாரக் கம்பங்களில் ஜனாதிபதி அநுர குமார திசாநாயக்கவின் உருவம் தாங்கிய பெரிய கட்-அவுட்டுகள் பதாகைகள் மற்றும் விளம்பரப் பலகைகளை காட்சிப்படுத்தியுள்ளமை தற்போது சமூக வலைத்தளங்களிலும் பொதுமக்கள் மத்தியில் பேசு பொருளாக்கப்பட்டுள்ளது. இலங்கையின் அரசியல் வரலாற்றை நோக்கினால் முன்னாள் ஜனாதிபதி மஹிந்த ராஜபக்ச உள்ளிட்ட கடந்தகால ஆட்சியாளர்கள் தமது அரசியல் பேரணிகள் மற்றும் தேர்தல் பிரசாரங்களுக்காகப் பிரதான வீதிகளிலுள்ள மின்சாரக் கம்பங்கள் மற்றும் பொது இடங்களை ஆக்கிரமித்து கட்-அவுட்டுகள் மற்றும் சுவரொட்டிகளைக் காட்சிப்படுத்துவதை வழக்கமாகக் கொண்டிருந்தனர்.&nbsp; இத்தகைய பிரசார நடவடிக்கைகளுக்காக பல பில்லியன் ரூபாய்கள் மக்கள் அல்லது கட்சி நிதிகள் விரயமாக்கப்பட்டமை நாடு&nbsp;பொருளாதார நெருக்கடிகளை எதிர்கொண்டிருந்த காலத்தில் கடுமையான மக்கள் அதிருப்திக்கு உள்ளானது. அதற்கப்பாற்பட்ட அரசியல் கலாசாரத்தைக் கட்டியெழுப்புவதாக வாக்குறுதியளித்துவிட்டு சுற்றுச் சூழலை&nbsp;பாதிக்கும் மற்றும் வீண்விரயச் செலவுகளை மேற்கொள்வது முரண்பாடான ஒரு செயலாகும்.

பிரசாரங்களுக்காக அநுரவும் மகிந்த வழியில்:மக்கள் விசனம்

பிரசாரங்களுக்காக அநுரவும் மகிந்த வழியில்:மக்கள் விசனம்

You may also like