அரசியலமைப்பின் 13ஆவது திருத்தத்தில் உள்ளடக்கப்பட்டுள்ள மாகாண சபைகளுக்கான பொலிஸ் அதிகாரங்களை நீக்கி மாகாண பொலிஸ் ஆணைக்குழுக்களை முற்றாக இல்லாதொழிக்கும் வகையிலான 22ஆவது அரசியலமைப்பு திருத்தச் சட்டமூலம் பிவித்திரு ஹெல உறுமயவின் தலைவரும் பாராளுமன்ற உறுப்பினருமான உதய கம்மன்பிலவால் பாராளுமன்றத்துக்கு நேற்று (03) சமர்ப்பிக்கப்பட்டுள்ளது.இந்த திருத்தச்சட்டமூலத்தை பாராளுமன்ற பதில் பொதுச் செயலாளர் ஹன்ச அபேரத்னவிடம் கம்மன்பில எம்.பி. கையளித்துள்ளார். அவர் கையளித்துள்ள உத்தேச சட்டமூலத்தில் பொலிஸ் அதிகாரம் மாகாண சபைகளுக்கு வழங்கப்பட்டால் அதன்மூலம் பாரதூரமான பின்விளைவுகள் ஏற்படும் என்பதை சுட்டிக்காட்டியுள்ளார். குறிப்பாக தேசிய பொலிஸ், மாகாண பொலிஸ் என்ற இரு பிரிவுகள் உருவாகி நாட்டில் பல்வேறு குழப்பநிலை உருவாகும். எனவே, தேசிய பாதுகாப்பை நெருக்கடிக்குள்ளாக்கும் வகையிலான ஏற்பாடுகளே 13ஆவது திருத்தத்தின் பொலிஸ் அதிகாரத்தில் உள்ளடக்கப்பட்டுள்ளதாகவும் அவர் குறிப்பிட்டுள்ளார். மாகாண பொலிஸ் ஆணைக்குழுவை ஸ்தாபித்தல் தொடர்பில் 13ஆவது திருத்தச் சட்டத்தில் தெரிவிக்கப்பட்டுள்ளதால் 155அ பிரிவை உருவாக்கி அந்த ஆணைக்குழு, தேசிய ஆணைக்குழுவாக பெயரிடப்பட வேண்டுமென கம்மன்பில வலியுறுத்தியுள்ளார்.

13ஆவது திருத்த யோசனைக்கு எதிராக உதய கம்மன்பில உத்தேச சட்டமூலம் சமர்ப்பிப்பு

13ஆவது திருத்த யோசனைக்கு எதிராக உதய கம்மன்பில உத்தேச சட்டமூலம் சமர்ப்பிப்பு

You may also like