இந்தியாவின் மிகப்பெரிய ஆன்மீக யாத்திரைகளில் ஒன்றாகக் கருதப்படும் சபரிமலை ஐயப்பன் கோவிலில் இந்த ஆண்டு முதல் செயற்கை நுண்ணறிவு தொழில்நுட்பம்(AI) அறிமுகப்படுத்தப்படவுள்ளதாக தகவல்கள் வெளியாகியுள்ளன. கேரள உயர் நீதிமன்றத்தால் ஏற்றுக்கொள்ளப்பட்ட இத்திட்டத்தின் கீழ், அதிநவீன கெமராக்கல், சென்சர்கள், ட்ரோன்கள் மற்றும் ஜி.பி.எஸ்&nbsp;வரைபடங்கள் மூலம் பக்தர்களின் நடமாட்டம் கண்காணிக்கப்படுவதாக தெரிவிக்கப்பட்டுள்ளது. ஏதேனும் ஒரு பகுதியில் கூட்ட நெரிசல் ஏற்படும் பட்சத்தில், இந்த AI அமைப்பு அதனை முன்கூட்டியே கணித்து அதிகாரிகளுக்கு எச்சரிக்கை அனுப்பும். மலையேற்றப் பாதையின் நிலை, நெரிசல் மற்றும் தரிசனத்திற்கான காத்திருப்பு நேரம் போன்ற தகவல்கள் பக்தர்களுக்கு உடனுக்குடன் வழங்கப்படும். இதேவேளை&nbsp;கூட்ட நெரிசலில் குழந்தைகள் அல்லது பெரியவர்கள் யாரேனும் காணாமல் போனால், அவர்களின் புகைப்படத்தை அமைப்பில் பதிவேற்றி, கெமராக்கள் மூலம் எளிதாகக் கண்டறிய நடவடிக்கை எடுக்கப்படும். இந்நிலையில், எதிர்வரும் நவம்பர் மாதம் ஆரம்பமாகவிருக்கும்&nbsp;மண்டல, மகர விளக்கு நடைபெறும் காலத்தை முன்னிட்டு&nbsp;&nbsp;திருவனந்தபுரத்தில் அமைச்சர் முரளிதரன் தலைமையில் ஆலோசனைக் கூட்டம் நடைபெற்றுள்ளது. கடந்த ஆண்டில் நடந்த தவறு இந்த ஆண்டில் நடை பெறாத வகையில் ஏஐ தொழில் நுட்பத்தை பயன்படுத்தி கூட்ட நெரிசலை கட்டுப்படுத்தப் போவதாகதெரிவித்துள்ளார்.&nbsp; இந்நிலையில், இந்த சபரிமலைக் காலத்திற்கு&nbsp;&nbsp;முன்பாக முதலமைச்சரின்&nbsp;தலைமையில், தென்மாநில அமைச்சர்களின்&nbsp;கூட்டம் நடைபெறும் என்றும்&nbsp;அவர் இதன்போது தெரிவித்துள்ளார். இதேவேளை, பக்தர்களின்&nbsp;வருகை அதிகரிப்பதால் நெரிசலை சமாளிப்பதற்காகதிருவிதங்கூர் கோவில்களை நிர்வகிக்கும் அரசு அமைப்பும் மாநில பொலிஸாரும்&nbsp;பல்வேறு நடவடிக்கைகளை எடுத்து வருகின்றனர் என்பது குறிப்பிடத்தக்கது.

சபரிமலையில் அதிநவீன மாற்றம்- கூட்ட நெரிசலைத் தடுக்க AI

சபரிமலையில் அதிநவீன மாற்றம்- கூட்ட நெரிசலைத் தடுக்க AI

You may also like