தென்காசி மாவட்டம் ஆலங்குளம் அருகே உள்ள அரசு திறந்தவெளி நெல் சேமிப்புக் கிடங்கில் நேற்று (7 ) காலை ஏற்பட்ட தீ விபத்தில், சுமார் 3.50 கோடி ரூபாய் மதிப்பிலான இருபத்தேழாயிரம்&nbsp;நெல் மூட்டைகள் தீயில் கருகி சேதமடைந்துள்ள நிலையில்,இரண்டவது நாளான இன்று (8) காலையும்&nbsp;தீயணைப்பு மற்றும் மீட்புப் பணிகள் தொடர்ந்து நடைபெற்று வருகின்றன. ஆலங்குளம் அருகே ஐந்தாங்கட்டளையில் 15 ஏக்கர் பரப்பளவில் இந்த அரசு திறந்தவெளி நெல் சேமிப்புக் கிடங்கு அமைந்துள்ளது. மாவட்டத்தின் பல்வேறு கொள்முதல் நிலையங்களில் இருந்து கொண்டு வரப்படும் நெல் மூட்டைகள் இங்கு சேமித்து வைக்கப்படுவது வழக்கம். தற்போதைய நிலவரப்படி, சுமார் 6.25 இலட்சம் நெல் மூட்டைகள் இங்கு அடுக்கி வைக்கப்பட்டிருந்தன.&nbsp; இந்நிலையில், நேற்றுக் காலை திடீரென ஒரு பகுதியில் தீ விபத்து ஏற்பட்டுள்ள நிலையில், தகவல் அறிந்து ஆலங்குளம் தீயணைப்பு நிலைய வீரர்கள் சம்பவ இடத்திற்கு வந்து தீயை அணைக்கும் பணியில் ஈடுபட்டுள்ளனர்.&nbsp; இந்நிலையில், தீயின் வேகம் அதிகமாக இருந்ததால், தென்காசி மற்றும் சுரண்டையிலிருந்து கூடுதல் தீயணைப்பு வாகனங்கள் மற்றும் வீரர்கள் வரவழைக்கப்பட்டு தீ&nbsp;கட்டுக்குள் கொண்டு வரப்பட்டுள்ளது. மேலும், தீ ஓரளவிற்குக் கட்டுக்குள் கொண்டு வரப்பட்டாலும், அடுக்கி வைக்கப்பட்டுள்ள நெல் மூட்டைகளுக்கு இடையே இருந்து தொடர்ந்து புகை வெளிவந்த வண்ணம் உள்ளது.&nbsp; இதன் காரணமாக, 2 தீயணைப்பு வாகனங்கள் மூலம் ஒருபுறம் தீயை அணைக்கும் பணியும், மறுபுறம் தொழிலாளர்கள் மூலமாக எஞ்சிய நெல் மூட்டைகளை பாதுகாப்பான இடத்திற்கு அப்புறப்படுத்தும் பணியும் தீவிரமாக நடைபெற்று வருகின்றது. பாதுகாக்கப்பட்ட இந்த திறந்தவெளி நெல் கிடங்கில் தீ விபத்து எப்படி ஏற்பட்டது என்பது இன்னும் கண்டறியப்படவில்லை. "நெல் மூட்டைகளுக்கு மர்ம நபர்கள் யாரேனும் தீ வைத்தனரா? அல்லது மின்கசிவு போன்ற வேறு ஏதேனும் காரணமா?" என்ற கோணத்தில் சந்தேகிக்கும் பொலிஸார்&nbsp;தீவிர விசாரணைகளை மேற்கொண்டு வருகின்றனர்

தென்காசி தீ விபத்து-இரண்டாவது நாளாக இடம்பெறும் மீட்பு பணி

தென்காசி தீ விபத்து-இரண்டாவது நாளாக இடம்பெறும் மீட்பு பணி

You may also like