ரகித ராஜபக்ஷ மற்றும் சரித் அபேசிங்க உள்ளிட்ட மூன்று சந்தேக நபர்களுக்கு கொழும்பு பிரதம நீதிவான் நீதிமன்றம் வழங்கிய பிணையை இத்துச் செய்யக் கோரி, கொழும்பு மேல் நீதிமன்றத்தில் இலஞ்சம் அல்லது ஊழல் குற்றச்சாட்டுகளை விசாரிக்கும் ஆணைக்குழு (CIABOC) மீள்பரிசீலனை மனுவொன்றைத் தாக்கல் செய்துள்ளது. போதைப்பொருள் கடத்தலில் ஈடுபட்டதாகக் கூறப்படும் 'ஹரக் கட்டா' என அழைக்கப்படும் நதுன் சிந்தக விக்ரமரத்னவின் மனைவியிடமிருந்து இலஞ்சம் பெற்றதாகக் கூறப்படும் சம்பவம் தொடர்பில் குறித்த சந்தேக நபர்கள் விளக்கமறியலில் வைக்கப்பட்டிருந்தனர். எனினும், கடந்த ஜூலை 28ஆம் திகதி கொழும்பு பிரதம நீதிவான் நீதிமன்றம் அவர்களுக்குப் பிணை வழங்கியிருந்தது. இந்நிலையில், குறித்த பிணை உத்தரவை இரத்துச் செய்யக் கோரி ஊழல் ஒழிப்பு ஆணைக்குழு மேல் நீதிமன்றத்தில் மனுத் தாக்கல் செய்துள்ளது. இந்த மனு இன்று (30) கொழும்பு மேல் நீதிமன்றத்தில் விசாரணைக்கு எடுத்துக்கொள்ளப்படவுள்ளதாகத் தெரிவிக்கப்பட்டுள்ளது.

ரகித ராஜபக்ஷ உள்ளிட்ட மூவரின் பிணையை இரத்துச் செய்யக் கோரி மனு

ரகித ராஜபக்ஷ உள்ளிட்ட மூவரின் பிணையை இரத்துச் செய்யக் கோரி மனு

You may also like