&nbsp;&nbsp;இத்தாலி மற்றும் ருமேனியாவில் வேலை பெற்றுத்தருவதாகக்&nbsp;கூறி இளைஞர்களை ஏமாற்றி பல கோடி ரூபா பணத்தை மோசடி செய்த நபரை நேற்று (21) கண்டி,&nbsp;தலத்துஓயா&nbsp;பொலிஸ் அதிகாரிகள் குழு கைது செய்துள்ளனர். சந்தேக நபர் தனது வங்கி கணக்கிற்கு பல இலட்சம் ரூபா பணத்தை மாற்றியுள்ளார் என&nbsp;கண்டி, மைலப்பிட்டிய பிரதேசத்தைச் சேர்ந்த நபரொருவரினால் தலத்துஓயா பொலிஸில் முறைப்பாடு செய்யப்பட்டதையடுத்து, பொலிஸார் விசாரணைகளை ஆரம்பித்தநிலையில், இது தொடர்பான தகவல்கள் பொலிஸாருக்கு கிடைத்துள்ளது.&nbsp;மேலும், தொடர்பான சட்டவிரோத&nbsp;செயற்பாடுகள் பல்வேறு பெயர்களில் சில காலமாக இடம்பெற்று வருவதாக தெரியவந்துள்ளது.&nbsp;முறைப்பாடு செய்த நபருக்குச் சொந்தமான அரச வங்கியொன்றில் பேணப்பட்ட கணக்கிற்கு சந்தேகநபர் ஆறுமாத குறுகிய காலப்பகுதியில் கிட்டத்தட்ட 90 இலட்சம் ரூபாவை மாற்றியுள்ளதாக பொலிஸ் விசாரணைகளில் தெரியவந்துள்ளது. முறைப்பாடு செய்தவர் சந்தேகநபரின் நண்பர் எனவும் அவர் கணக்கில் பல இலட்சம் ரூபா பணம் வரவு வைக்கப்பட்டமை தொடர்பிலேயே முறைப்பாடு செய்துள்ளதாகவும் பொலிஸார் தெரிவிக்கின்றனர். சந்தேகநபர் வசித்த மயிலபிட்டி ஹத்பேய பிரதேசத்தில் உள்ள வீட்டை சோதனையிட்ட போது 346,480 ரூபா பணம் பொலிஸாரால் கண்டுபிடிக்கப்பட்டுள்ளது. இதுதவிர வெளிநாட்டு வேலை வழங்குவதற்காக போலியாக தயாரிக்கப்பட்ட ஆவணங்கள், வெளிநாட்டு கடவுச்சீட்டுகள், இரண்டு கைத்தொலைபேசிகள், சாரதி அனுமதிப்பத்திரம் போன்றவற்றையும் பொலிஸார் கைப்பற்றியுள்ளனர். மேலும், மோட்டார் வாகனப் பதிவுத் துறை என்ற போலி ஆவணமும் சிக்கியதாக&nbsp;பொலிஸார் தெரிவித்தனர். சந்தேக நபர் ஹம்பாந்தோட்டை, பிலியந்தலை போன்ற பல பிரதேசங்களைச் சேர்ந்தவர்களை உள்ளடக்கி சில காலமாக இந்த மோசடியை மேற்கொண்டு வந்துள்ளதுடன்&nbsp;ஹலாவத்தை, தியத்தலாவை முதலான பகுதிகளில் தங்கியிருந்து பல்வேறு பெயர்களில் நடமாடியுள்ளதாகவும் பொலிஸாருக்கு தகவல் கிடைத்துள்ளது. சந்தேக நபர் தனது கணக்குகளுக்கு பணத்தை மாற்றவில்லை என்பதுடன், முறைப்பாட்டாளர் மற்றும் பல நபர்களின் கணக்குகளுக்கு அவர் பணத்தை மாற்றியுள்ளதாக சந்தேகிக்கக்கூடிய தகவல்கள் இருப்பதாக பொலிஸார் தெரிவிக்கின்றனர். பதிவு செய்யப்படாத வெளிநாட்டு வேலைவாய்ப்பு நிறுவனத்தை நடத்தி வரும் சந்தேகநபர் தொடர்பில் நாடளாவிய ரீதியில் பல பொலிஸ் நிலையங்களுக்கு முறைப்பாடுகள் கிடைத்துள்ளதாகவும் தெரிவிக்கப்படுகின்றது. சிரேஷ்ட பொலிஸ் அத்தியட்சகர் அனுருத்த பண்டாரநாயக்க மற்றும் பொலிஸ் அதிகாரி ஜானகி ஆகியோரின் பணிப்புரையின் பேரில் தலாத்துஓயா பொலிஸ் நிலைய பிரதான பொலிஸ் பரிசோதகர் நிஷாந்த அப்புஹாமி, உள்ளிட்ட&nbsp;குழு இந்த சுற்றிவளைப்பை மேற்கொண்டுள்ளனர்.&nbsp;&nbsp;&nbsp;எம்.ஏ.அமீனுல்லா

வேலைவாய்ப்பு பெற்றுத் தருவதாக கூறி பணமோசடியில் ஈடுபட்ட நபர் கைது!

வேலைவாய்ப்பு பெற்றுத் தருவதாக கூறி பணமோசடியில் ஈடுபட்ட நபர் கைது!

You may also like