அமெரிக்காவிற்கும் ஈரானுக்கும் இடையே நிலவி வந்த போர் நிறுத்த ஒப்பந்தம் உத்தியோகபூர்வமாக முடிவுக்கு வந்துள்ளதாக அமெரிக்க ஜனாதிபதி டொனால்ட் ட்ரம்ப் தெரிவித்துள்ளார். நேட்டோ உச்சிமாநாட்டில் கலந்து கொண்ட ஜனாதிபதி ட்ரம்பிடம், இரு நாடுகளுக்கும் இடையிலான சமாதான ஒப்பந்தத்தின் தற்போதைய நிலை குறித்து ஊடகவியலாளர்கள் கேள்வி எழுப்பியுள்ளனர்.&nbsp; அதற்குப் பதிலளித்த அவர், இனி ஈரானுடன் எவ்வித பேச்சுவார்த்தையையும் நடத்த தான் விரும்பவில்லை என திட்டவட்டமாகக் கூறியுள்ளார். என்னைப் பொறுத்தவரை அந்த ஒப்பந்தம் முடிந்துவிட்டது. ஈரானுடன் பேசுவது என்பது சுத்தமாக நேரத்தை வீணடிக்கும் ஒரு செயல். அவர்கள் அனைவரும் நம்பமுடியாதவர்கள் என மிகவும் கடுமையாக&nbsp;விமர்சித்துள்ளார். மேலும், இருதரப்பு அதிகாரிகளும் பேச்சுவார்த்தைகளில் ஈடுபட விரும்பினால் பேசலாம், ஆனால் அவர்கள் தங்களது நேரத்தைத் தான் வீணடிக்கிறார்கள் என்றும்&nbsp;ட்ரம்ப் குறிப்பிட்டுள்ளார். ட்ரம்பின் இந்த அதிரடி அறிவிப்பு சர்வதேச அரங்கில், குறிப்பாக மத்திய கிழக்கு பிராந்தியத்தில் பெரும் பரபரப்பையும் பதற்றத்தையும் ஏற்படுத்தியுள்ளது.

முடிவுக்கு வந்த அமெரிக்க-ஈரான் ஒப்பந்தம்!

முடிவுக்கு வந்த அமெரிக்க-ஈரான் ஒப்பந்தம்!

You may also like