அமெரிக்க கடற்படையின் ஐந்தாவது கடற்படைப் பிரிவின் தளபதி வைஸ் அட்மிரல் கர்ட் ஏ. ரென்ஷா, இஸ்ரேலுக்கு மேற்கொண்ட விஜயத்தை நிறைவு செய்துள்ளார்.&nbsp; இந்த விஜயத்தின்போது, இஸ்ரேலிய கடற்படையின் தலைமைத் தளபதி இயால் ஹரேல் உள்ளிட்ட உயர்மட்ட அதிகாரிகளுடன் அவர் கலந்துரையாடியுள்ளார்.&nbsp; இதன்போது, இரு நாடுகளின் கடற்படைகளுக்கும் இடையிலான ஒத்துழைப்பை வலுப்படுத்துதல், பிராந்திய ஸ்திரத்தன்மையைப் பேணுதல், கடல் போக்குவரத்துப் பாதைகளின் பாதுகாப்பை உறுதிப்படுத்துதல், கடற்படைகளுக்கு இடையிலான பரஸ்பர ஒருங்கிணைப்பு மற்றும் தொழில்நுட்ப அறிவுப் பரிமாற்றம் உள்ளிட்ட விடயங்கள் குறித்து கலந்துரையாடப்பட்டதாக இஸ்ரேலிய இராணுவம் வெளியிட்ட அறிக்கையில் தெரிவிக்கப்பட்டுள்ளது.&nbsp; அமெரிக்காவின் ஐந்தாவது கடற்படைப் பிரிவின் தலைமையகம் பஹ்ரைனில் அமைந்துள்ளதுடன், பாரசீக வளைகுடா, செங்கடல், அரபிக்கடல் மற்றும் இந்தியப் பெருங்கடலின் சில பகுதிகளில் அதன் நடவடிக்கைகள் முன்னெடுக்கப்படுகின்றமை குறிப்பிடத்தக்கது.

இஸ்ரேலிய கடற்படையுடன் அமெரிக்க ஐந்தாவது கடற்படைத் தளபதி பேச்சுவார்த்தை!

இஸ்ரேலிய கடற்படையுடன் அமெரிக்க ஐந்தாவது கடற்படைத் தளபதி பேச்சுவார்த்தை!

You may also like