மூன்று நீதிமன்றங்களால் பிடியாணைகள் பிறப்பிக்கப்பட்டிருந்த பொதுபல சேனா அமைப்பின் பொதுச் செயலாளர் கலகொட அத்தே ஞானசார தேரரை கைது நடவடிக்கையிலிருந்து தப்பிக்க உதவியதாகக் குற்றஞ்சாட்டப்பட்ட வங்கி அதிகாரி ஒருவர் எதிர்வரும் 9ஆம் திகதி வரை விளக்கமறியலில் வைக்கப்பட்டுள்ளார். களனி பகுதியைச் சேர்ந்த குறித்த வங்கி அதிகாரியை கொழும்பு குற்றத்தடுப்புப் பிரிவினர் கைது செய்து நீதிமன்றத்தில் முன்னிலைப்படுத்தியதைத் தொடர்ந்து, கொழும்பு பிரதான நீதிவான் இந்த உத்தரவை பிறப்பித்துள்ளார். ஞானசார தேரருக்கு எதிராக பிடியாணைகள் பிறப்பிக்கப்பட்டிருந்தமை தெரிந்திருந்தும், சந்தேகநபர் தனது வாகனத்தில் அவரை இராஜகிரியவில் இருந்து எல்பிட்டிய பகுதிக்கு அழைத்துச் சென்றதாக பொலிஸார் நீதிமன்றில் தெரிவித்துள்ளனர். கைது நடவடிக்கையிலிருந்து ஞானசார தேரர் தப்பிச் செல்ல உதவியமை மற்றும் நீதிமன்ற உத்தரவுகளுக்கு இணங்கத் தவறியமை தொடர்பில் சந்தேகநபருக்கு எதிராக விசாரணைகள் முன்னெடுக்கப்பட்டு வருவதாகவும் பொலிஸார் தெரிவித்துள்ளனர்.

ஞானசார தேரர் தப்பிச் செல்ல உதவிய வங்கி அதிகாரி விளக்கமறியலில்

ஞானசார தேரர் தப்பிச் செல்ல உதவிய வங்கி அதிகாரி விளக்கமறியலில்

You may also like