நாடளாவிய ரீதியில் தேர்ந்தெடுக்கப்பட்ட 33 வைத்தியசாலைகளில் தொழில்நுட்ப ஒத்துழைப்பு சிரமதான நிகழ்ச்சித் திட்டம் இன்று (17) வெற்றிகரமாக முன்னெடுக்கப்பட்டது. இலங்கை தொழிற்பயிற்சி அதிகார சபையின் 31வது ஆண்டு நிறைவை முன்னிட்டு க்ளீன் ஸ்ரீலங்கா தேசிய திட்டத்துடன் இணைந்து இந்த நிகழ்ச்சி ஏற்பாடு செய்யப்பட்டது. இதன் பிரதான நிகழ்வு கொழும்பு காசல் வீதி பெண்கள் வைத்தியசாலையில் தொழிற்கல்வி பிரதி அமைச்சர் நளின் ஹேவகே தலைமையில் நடைபெற்றது. Gen Z தலைமுறையினர் மற்றும் தொழிற்பயிற்சி மாணவர்களின் முழுமையான பங்களிப்பு மற்றும் தன்னார்வ வழிகாட்டலுடன் செயல்படுத்தப்பட்ட இந்தத் தொழில்நுட்ப ஒத்துழைப்பு சிரமதான நிகழ்ச்சித் திட்டத்தின் மூலம் வைத்தியசாலை கட்டமைப்பின் தொழில்நுட்ப பழுதுபார்ப்பு, மின்சாரம் மற்றும் நீர் குழாய் கட்டமைப்புகளின் பராமரிப்பு, உட்கட்டமைப்பு அபிவிருத்தி மற்றும் சுற்றுச்சூழலை சுத்தப்படுத்துதல் ஆகிய பணிகள் மேற்கொள்ளப்பட்டன.&nbsp; இது வெறுமனே வழமையான சிரமதானமாக மட்டுமன்றி, இளைஞர்கள் தாம் கற்கும் இலத்திரனியல், மின்சாரம், நீர் குழாய், கட்டிட பராமரிப்பு, இயந்திரவியல் மற்றும் தொழில்நுட்ப அறிவை நாட்டின் பொது சுகாதார கட்டமைப்பை வலுப்படுத்துவதற்காக நடைமுறையில் பயன்படுத்துவது இதன் விசேட அம்சமாகும். அத்தோடு, சுற்றுச்சூழல் தூய்மை,சிறந்த மனப்பாங்கு மாற்றம், அரச சொத்துக்களைப் பாதுகாத்தல் மற்றும் நிலையான தேசிய முன்னேற்றத்திற்காக இளைஞர்களின் அர்ப்பணிப்பு மற்றும் நாட்டை கட்டியெழுப்புவதில் அவர்கள் "வாய்ப்புகளைத் தேடுபவர்களாக அன்றி, வாய்ப்புகளை உருவாக்குபவர்களாக"&nbsp;மாறியிருப்பதை வெளிப்படுத்தும் வகையில் க்ளீன் ஸ்ரீலங்கா எண்ணக்கருவின் அடிப்படையாகக் கொண்டு இந்நிகழ்ச்சித் திட்டம் நடைமுறைப்படுத்தப்பட்டது. க்ளீன் ஸ்ரீலங்கா கொழும்பு மாவட்ட ஒருங்கிணைப்பாளர் பாராளுமன்ற உறுப்பினர் வைத்தியர் நஜித் இந்திக, க்ளீன் ஸ்ரீலங்கா செயலகத்தின் மேலதிக பணிப்பாளர் நாயகம் கபில செனரத், பணிப்பாளர் (சமூக) சிந்தக ராஜகருணா, பணிப்பாளர் (தொண்டர் சேவை) எச்.பி.எஸ். சாந்த, உள்ளிட்ட பலர் இந்நிகழ்வில் பங்கேற்றனர்.

33 வைத்தியசாலைகளில் தொழில்நுட்ப ஒத்துழைப்பு சிரமதான நிகழ்ச்சித் திட்டம்

33 வைத்தியசாலைகளில் தொழில்நுட்ப ஒத்துழைப்பு சிரமதான நிகழ்ச்சித் திட்டம்

You may also like