ஊழல் எதிர்ப்பு (திருத்தச்) சட்டமூலம் ஆளுகை, நீதி மற்றும் சிவில் பாதுகாப்பு பற்றிய துறைசார் மேற்பார்வைக் குழுவில் ஆராயப்பட்டு அங்கீகரிக்கப்பட்டது. ஆளுகை, நீதி மற்றும் சிவில் பாதுகாப்பு பற்றிய துறைசார் மேற்பார்வைக் குழு, அதன் தலைவர்பாராளுமன்ற உறுப்பினர் வைத்தியர் நஜித் இந்திகவின் தலைமையில் அண்மையில் பாராளுமன்றத்தில் கூடியபோதே குறித்த சட்டமூலத்திற்கு அனுமதி வழங்கப்பட்டது. 2003 ஆம் ஆண்டின் 09 ஆம் இலக்க ஊழல் எதிர்ப்புச் சட்டத்தை நடைமுறைப்படுத்தும்போது எழுந்துள்ள நடைமுறைச் சிக்கல்கள், சட்டத்தின் சிங்கள மற்றும் ஆங்கில மொழிப் பிரதிகளுக்கு இடையில் காணப்படும்முரண்பாடுகள், சொத்துக்கள் மற்றும் பொறுப்புக்கள் தொடர்பான பிரகடனங்களை இலத்திரனியல் முறையில் சமர்ப்பித்தல் மற்றும் அதற்கான பொதுமக்களின் அணுகல் உள்ளிட்ட விடயங்கள் தொடர்பில் கலந்துரையாடப்பட்டது. மேலும், சட்டத்தை வினைத்திறனுடன் நடைமுறைப்படுத்துவதற்குத் தடையாக உள்ள தொழில்நுட்ப மற்றும் நிர்வாக ரீதியான சிக்கல்களைத் தீர்ப்பது உள்ளிட்ட பல்வேறு விடயங்கள் தொடர்பிலும் கலந்துரையாடப்பட்டதைத் தொடர்ந்து, ஊழல் எதிர்ப்பு (திருத்தம்) சட்டமூலத்திற்கு குழுவின் அனுமதி வழங்கப்பட்டது.

ஊழல் எதிர்ப்பு திருத்தம் சட்டமூலத்திற்கு துறைசார் மேற்பார்வைக் குழுவில் அனுமதி

ஊழல் எதிர்ப்பு திருத்தம் சட்டமூலத்திற்கு துறைசார் மேற்பார்வைக் குழுவில் அனுமதி

You may also like