ஸ்ரீலங்கன் எயார்லைன்ஸ் நிறுவனத்திற்கு புதிய தலைவர் ஒருவரையும், தலைமை நிர்வாக அதிகாரி ஒருவரையும் விரைவில் நியமிக்க அரசாங்கம் எதிர்பார்த்துள்ளதாக விமான போக்குவரத்து அமைச்சர் அநுர குமாரணதிலக்க தெரிவித்துள்ளார். புதிய தலைமை நிர்வாக அதிகாரியை நியமிப்பதற்கான நேர்முகப்பரீட்சைகள் ஏற்கனவே நடைபெற்று வருவதாகவும், இதற்காக பல குழுக்கள் ஏற்கனவே மதிப்பீடு செய்யப்பட்டுள்ளதாகவும் அமைச்சர் குறிப்பிட்டுள்ளார். இறுதிச் சுற்றுத் தெரிவுக்கான சுருக்கப் பட்டியலை தயாரிப்பதற்கு முன்னர், மேலும் சில விண்ணப்பதாரர்கள் நேர்முகப்பரீட்சைக்கு அழைக்கப்படவுள்ளதாக சுட்டிக்காட்டிய அவர், மிகக் குறுகிய காலத்திற்குள் புதிய தலைமை நிர்வாக அதிகாரியை நியமிக்க முடியும் என்றும் கூறினார். இந்த நியமனங்கள் தாமதமாவது குறித்து கருத்துத் தெரிவித்த அமைச்சர், ஸ்ரீலங்கன் ஏர்லைன்ஸ் நிறுவனம் தற்போது தலைவர் மற்றும் தலைமை நிர்வாக அதிகாரி ஆகிய இருவருமே இன்றி இயங்கி வருவதை ஒப்புக்கொண்டார். தலைவர் பதவிக்காக இதற்கு முன்னர் முன்வைக்கப்பட்ட முன்மொழிவுகளை பல்வேறு காரணங்களால் முன்னோக்கி கொண்டு செல்ல முடியாமல் போனதாகவும், எனினும் தற்போது அந்தப் பதவிக்காக மிகவும் சாதகமான முன்மொழிவு ஒன்று கிடைத்துள்ளதாகவும் அவர் இங்கு வெளிப்படுத்தினார். அதேபோல், ஜனாதிபதி அநுரகுமார திஸாநாயக்க இதற்கு முன்னர் வெளியிட்ட கருத்துக்களுக்கு அமைய, விமான சேவை நிறுவனத்தின் முழுமையான அரச உரிமையைத் தக்கவைத்துக் கொண்டு அதனை மறுசீரமைக்கவே அரசாங்கம் ஆரம்பத்தில் உத்தேசித்திருந்ததாகவும் அமைச்சர் ஒப்புக்கொண்டார். ஆனால், அதற்கென ஒரு மாறுபட்ட அணுகுமுறை தேவை என அரசாங்கம் தற்போது தீர்மானித்துள்ளதாகவும், இதன் காரணமாக விமான சேவை நிறுவனத்திற்காக அரச-தனியார் பங்களிப்பு மாதிரியை நோக்கி நகர தீர்மானித்துள்ளதாகவும் அமைச்சர் மேலும் தெரிவித்தார்.

ஸ்ரீலங்கன் எயார்லைன்ஸ் நிறுவனத்துக்கு புதிய தலைவரை நியமிக்க தீர்மானம்

ஸ்ரீலங்கன் எயார்லைன்ஸ் நிறுவனத்துக்கு புதிய தலைவரை நியமிக்க தீர்மானம்

You may also like