<h1> </h1>&nbsp;அவுஸ்திரேலியாவுக்கு எதிரான பகலிரவு டெஸ்ட் போட்டியின் முதல் நாள் ஆட்டநேர முடிவில் இங்கிலாந்து அணி 9 விக்கெட்டுகள் இழப்பிற்கு 325&nbsp;ஓட்டங்களை &nbsp;சேர்த்துள்ளது.&nbsp;அவுஸ்திரேலியா - இங்கிலாந்து அணிகளுக்கு இடையிலான இரண்டாவது டெஸ்ட் போட்டி பகலிரவு ஆட்டமாக இன்று (4) பிரிஸ்பேனில் உள்ள கபா கிரிக்கெட் மைதானத்தில் தொடங்கியது. &nbsp; இந்த போட்டியில்&nbsp;நாணயச்சுழற்சியில்&nbsp;வென்ற இங்கிலாந்து அணி &nbsp;முதலில்&nbsp;துடுப்பெடுத்தாடுவதாக &nbsp;அறிவித்தது. இதையடுத்து களமிறங்கிய இங்கிலாந்து அணிக்கு ஜாக் கிரௌலி - பென் டக்கெட் இணை தொடக்கம் கொடுத்தனர். இதில் பென் டக்கெட்&nbsp;ஓட்டங்கள் ஏதுமின்றி முதல் ஓவரிலேயே விக்கெட்டை இழந்தார். அவரைத் தொடர்ந்து களமிறங்கிய ஆலி போப்பும்&nbsp;ஓட்டங்கள் &nbsp;ஏதுமின்றி &nbsp;ஆட்டமிழந்தனர். பின்னர் ஜாக் கிரௌலியுடன் இணைந்த ஜோ ரூட் சிறப்பான ஆட்டத்தை வெளிப்படுத்தி ஸ்கோரை உயர்த்தினர். இதில் இருவரும் தங்களின் அரைச்சதங்களை பதிவு செய்ததுடன் மூன்றாவது விக்கெட்டிற்கு 117&nbsp;ஓட்டங்களுடனான பார்ட்னர்ஷிப்பை &nbsp;அமைத்தனர்.இதேவேளை ஜோ ரூட் சர்வதேச டெஸ்ட் கிரிக்கெட்டில் தனது 40ஆவது சதத்தைப் பதிவு செய்து அசத்தினார். அத்துடன், அவுஸ்திரேலிய மண்ணில் தன்னுடைய முதல் டெஸ்ட் சதத்தை விளாசி, தன் மீது எழுந்த விமர்சனங்களுக்கு பதிலடியைக் கொடுத்துள்ளார். &nbsp; ஏனெனில் அவுஸ்திரேலியாவில் இதற்கு முன் ஜோ ரூட் 15 டெஸ்ட் போட்டிகளில் விளையாடிய நிலையில், அதில் எந்தவொரு போட்டியிலும் சதமடிக்கவில்லை என்பதால், அவர் மீது விமர்சனங்கள் எழுந்தது குறிப்பிடத்தக்கது. &nbsp; மறுபக்கம் விளையாடிய வில் ஜேக்ஸ் 19 ஓட்டங்களுடனும் , கஸ் அட்கின்சன் 4 ஓட்டங்களுடனும், பிரைடன் கார்ஸ் ஓட்டங்கள் ஏதுமின்றியும் விக்கெட்டுகளை இழந்தனர். &nbsp; அதன்பின் ஜோ ரூட் -ஜோஃப்ரா ஆர்ச்சர் இணை பவுண்டரிகளையும், சிக்ஸர்களையும் பறக்கவிட்டு ஸ்கோரை உயர்த்தினர். இதன் மூலம் முதல் நாள் ஆட்டநேர முடிவில் இங்கிலாந்து அணி 9 விக்கெட்டுகளை இழந்த நிலையில் 325 ஓட்டங்களைக் குவித்தது. இதில் ஜோ ரூட் 135 ஓட்டங்களுடனும், ஜோஃப்ரா ஆர்ச்சர் 32 ஓட்டங்களுடனும் ஆட்டமிழக்காமல் களத்தில் உள்ளனர். &nbsp; அவுஸ்திரேலிய அணி தரப்பில் அபாரமான பந்துவீச்சை வெளிப்படுத்திய மிட்செல் ஸ்டார்க் 6 விக்கெட்டுகளை கைப்பற்றினார். மேற்கொண்டு மைக்கேல் நேசர் மற்றும் ஸ்காட் போலண்ட் ஆகியோர் தலா ஒரு விக்கெட்டை கைப்பற்றியுள்ளனர். இதையடுத்து கைவசம் ஒரு விக்கெட் உள்ள நிலையில் இங்கிலாந்து அணி நாளை இரண்டாம் நாள் ஆட்டத்தை தொடரவுள்ளது. &nbsp;

அவுஸ்திரேலியாவில் முதல் சதத்தை விளாசிய ஜோ ரூட்

அவுஸ்திரேலியாவில் முதல் சதத்தை விளாசிய ஜோ ரூட்

You may also like