பெருந்தோட்டப் பகுதிகளில் வாழும் இந்திய வம்சாவளி மலையக தமிழர்களின் காணி உரிமை தொடர்பில் அரசாங்கம் தனது உண்மையான கொள்கையை உடனடியாக அறிவிக்க வேண்டும் என தமிழ் முற்போக்கு கூட்டணியின் தலைவர் மனோ கணேசன் தெரிவித்துள்ளார். மலையக மக்களின் காணி உரிமை தொடர்பில் தொடர்ந்தும் பேச்சுக்களால் காலம் கடத்தாமல், “ஹட்டன் பிரகடனத்தில்” வழங்கிய உறுதிமொழி தொடர்பில் அரசாங்கம் தெளிவான நிலைப்பாட்டை வெளியிட வேண்டும் என அவர் வலியுறுத்தியுள்ளார். மலையக மக்கள் ஆடம்பர தேவைகளுக்காக காணிகளை கோரவில்லை என்றும், பல தலைமுறைகளாக பெருந்தோட்டங்களை உருவாக்கிய மக்களுக்கு வாழ்விட மற்றும் வாழ்வாதார காணித் துண்டுகள் வழங்கப்பட வேண்டும் என்பதே தமது கோரிக்கை என்றும் அவர் தெரிவித்துள்ளார். மேலும், பெருந்தோட்டங்களில் வீடில்லாத மக்கள் அமைக்கும் குடியிருப்புகளை “அத்துமீறியவை” எனக் கூறி நடவடிக்கை எடுப்பதை உடனடியாக நிறுத்த வேண்டும் எனக் கோரியுள்ளார். அத்துடன், மலையக காணி உரிமை தொடர்பான அரசின் நிலைப்பாட்டை வெளிப்படையாக அறிவிக்க வேண்டுமென குறிப்பிட்டுள்ளார்.

மலையக காணி உரிமை கொள்கையை அரசாங்கம் உடனடியாக அறிவிக்க வேண்டும் – மனோ எம்.பி.

மலையக காணி உரிமை கொள்கையை அரசாங்கம் உடனடியாக அறிவிக்க வேண்டும் – மனோ எம்.பி.

You may also like