லிட்ரோ எரிவாயு லிமிட்டட், வர்த்தக அமைச்சுடன் இணைந்து இலங்கையின் அவசர எரிவாயுத் தேவைகளுக்கான நடவடிக்கையை மேற்கொண்டுள்ளது. இலங்கைக்கு தற்போதைய சுவிஸ் எரிபொருள் வழங்குனரான ஜியோ எரிவாயு நிறுவனத்துடன் மேலதிகமாக தேவைப்படும் எரிபொருள் மற்றும் நீண்டகால எரிபொருள் கையிருப்பு வசதி திட்டங்கள் மேற்கொள்ளப்பட்டு வருவதாக லிட்ரோ நிறுவனத்தின் தலைவர் சன்ன குணவர்தன தெரிவித்துள்ளார்.&nbsp; சுவிஸ் ஜியோ எரிவாயு நிறுவனத்துடன் 2500 மெட்ரிக்தொன் எரிவாயு கப்பல் அமெரிக்காவிலிருந்து புறப்பட்டு மாலைதீவில் தற்போது நிலைகொண்டுள்ளதாக அவர் மேலும் தெரிவித்தார்.&nbsp; சுவிஸ் ஜியோ எரிவாயு நிறுவனத்திடமிருந்து வேறு ஒப்பந்தக்காரர்களை&nbsp;எதிர்பார்க்காது சிறிய அளவிலான எரிவாயுவையாவது உடனடி அவசர தேவைகளுக்கு தருவிக்கலாம். மாலைதீவில் தற்போதுள்ள எரிவாயு கப்பல் நீண்டகால பற்றாக்குறையை தீர்க்குமென கூறப்படுகின்றது. இதுகுறித்து வர்த்தக அமைச்சர் கருத்து தெரிவிக்கையில், கடந்த வாரம் நிர்வாக குறைபாட்டினாலேயே லாஃப்ஸ் எரிவாயு விநியோக தடங்கல் மற்றும் குறைபாடு ஏற்பட்டதால் லாஃப்ஸ் எரிவாயுவை பெற்றுவந்த நுகர்வோர் லிட்ரோ எரிவாயுவை பெறமுயன்றனர். இதனால் நெருக்கடி நிலை ஏற்பட்டது. தற்போது தினசரி எரிவாயு விநியோகம் 1200 மெட்ரிக்தொன்னிலிருந்து 1500 மெட்ரிக்தொன்னாக அதிகரிக்கப்பட்டுள்ளது. இரண்டு எரிவாயு கப்பல்கள் நாளை மறுதினம் (24) இலங்கையை வந்தடையவுள்ளன. எங்களிடம் போதிய எரிவாயு கையிருப்பு உள்ளதென வர்த்தக அமைச்சர் வசந்த அமரசிங்க தெரிவித்தார். தினசரி 6,35,000 சிலிண்டர்கள் சந்தைக்கு விடுவிக்கப்படுகின்றன. 12.5 கிலோகிராம் சிலிண்டரே நாட்டில் பெரும்பாலும் பாவிக்கப்பட்டு வருகின்றன. லாஃப்ஸ் எரிவாயு லிட்ரோ எரிவாயுவை விட விலை அதிகம். இலங்கைக்கான நீண்டநாள் எரிபொருள் வழங்குனரான OQ நிறுவனத்திடமிருந்து சுவிஸ் நிறுவனத்திற்கு மாற்றப்பட்டமை குறிப்பிடத்தக்கது.&nbsp;

அவசர எரிவாயு தேவைகளுக்காக சுவிஸ் விநியோகத்தரை பெற்றுள்ள லிட்ரோ நிறுவனம்

அவசர எரிவாயு தேவைகளுக்காக சுவிஸ் விநியோகத்தரை பெற்றுள்ள லிட்ரோ நிறுவனம்

You may also like