<h1> </h1>&nbsp;சீனாவுக்கும் அவுஸ்திரேலியாவுக்கும் இடையிலான உறவுகளில் கலந்துரையாடலுக்கு முக்கியத்துவம் தரப்பட வேண்டும் என்று அவுஸ்திரேலியப் பிரதமர் ஆண்டனி அல்பனிஸ், சீன ஜனாதிபதி &nbsp;ஸி ஜின்பிங்கிடம் வலியுறுத்தியுள்ளார். &nbsp; அவுஸ்திரேலிய &nbsp;பிரதமர் என்ற முறையில் &nbsp;அல்பனிஸ் இரண்டாவது முறையாக இன்று&nbsp;சீனாவிற்கு&nbsp;உத்தியோக பூர்வ பயணம் மேற்கொண்டுள்ளார்.&nbsp;புவிசார் அரசியல் பதற்றங்கள் அதிகரித்துள்ள சூழலில், அண்மையில் உறுதிசெய்யப்பட்ட வர்த்தக உறவுகளைப் பேணுவது அவரது பயணத்தின் நோக்கமாகும். கடந்த பத்தாண்டுகளில் இரு நாடுகளுக்கு இடையிலான உறவு சற்றே மோசமாக இருந்தது. தேசிய&nbsp;பாதுகாப்பு, பசுபிக் வட்டார நலன் குறித்த விவகாரங்களில் இருதரப்புக்கு இடையே கருத்து வேறுபாடுகள் நிலவின. கடந்த டிசம்பர் மாதம் அவுஸ்திரேலிய ‘ராக் லாப்ஸ்டர்’ வகை இறால் மீதான இறக்குமதித் தடையைச் சீனா விலக்கியதை அடுத்து இருதரப்பு உறவுகள் மேம்பட்டன. சீன&nbsp;ஜனாதிபதியுடனான சந்திப்பில், அவுஸ்திரேலியாவின் கண்ணோட்டம், நலன்கள் குறித்து எடுத்துரைக்கும் வாய்ப்பை வரவேற்பதாக &nbsp;அவுஸ்திரேலிய &nbsp;பிரதமர் கூறினார்.&nbsp; “சீனாவுடனான உறவை அவுஸ்திரேலியா மதிக்கிறது. அஸ்திரேலிய நலனை முன்னிறுத்தி, அமைதியான, நீடித்த முறையில் இருதரப்பு உறவைத் தொடர்ந்து அணுக விரும்புகிறது,” என்றார் அவர். இரு நாட்டு உறவில் கலந்துரையாடல் முக்கிய இடம் பெறவேண்டும்,” என்று &nbsp;சீன ஜனாதிபதியிடம் அவுஸ்திரேலிய &nbsp;பிரதமர் கூறினார். சீன - அவுஸ்திரேலிய உறவுகள் மேம்பட்டதால் விளையக்கூடிய நன்மைகளை&nbsp;சீன ஜனாதிபதி &nbsp;ஸி பாராட்டினார். இருதரப்பு உறவு பின்னடைவுகளைக் கடந்து முன்னேற்றப் பாதையில் செல்வதாக அவர் குறிப்பிட்டார். “அனைத்துலகச் சூழல் எத்தகைய மாற்றத்தைச் சந்தித்தாலும், இரு நாடுகளும் உறுதியுடன் இந்தப் பாதையில் தொடரவேண்டும்,” என்று சீன &nbsp;ஜனாதிபதி&nbsp;வலியுறுத்தினார்.&nbsp;

சீன - அவுஸ்திரேலிய உறவில் கலந்துரையாடலுக்கு முக்கியத்துவம் தர வலியுறுத்தல்

சீன - அவுஸ்திரேலிய உறவில் கலந்துரையாடலுக்கு முக்கியத்துவம் தர வலியுறுத்தல்

You may also like