இலங்கை சிறையிலுள்ள தமிழ்நாட்டைச் சேர்ந்த மீனவர்களை உடனடியாக மீட்க நடவடிக்கை எடுக்க வேண்டும் என தமிழக எதிர்க்கட்சித் தலைவர் உதயநிதி ஸ்டாலின் வலியுறுத்தியுள்ளார். இதுதொடர்பாக தனது எக்ஸ் வலைதளத்தில் பதிவிட்டுள்ள அவர், இராமேஸ்வரத்தைச் சேர்ந்த 9 மீனவர்களை இலங்கை கடற்படையினர் கைது செய்து சிறையில் அடைத்துள்ளமை கண்டிக்கத்தக்கது என தெரிவித்துள்ளார். இந்த விவகாரம் தொடர்பாக மத்திய வெளியுறவுத்துறை அமைச்சருக்கு தமிழக அரசு சார்பில் கடிதம் அனுப்பப்பட்டுள்ளதாக ஊடகங்களில் செய்திகள் வெளியாகியுள்ளதாகவும் அவர் குறிப்பிட்டுள்ளார். மீனவர் பிரச்சினையில் ஆட்சிக்கு வருவதற்கு முன்னர் உணர்வுபூர்வமான நடவடிக்கை எடுக்க வேண்டும் எனக் கூறியவர்கள், தற்போது கடிதம் எழுதுவதுடன் மட்டும் தங்களது கடமையை முடித்துக்கொள்வது ஏன் என உதயநிதி ஸ்டாலின் கேள்வி எழுப்பியுள்ளார். ஆட்சிக்கு முன்னரும் ஆட்சிக்கு பின்னரும் ஒவ்வொரு விடயத்திலும் இரட்டை நிலைப்பாட்டை வெளிப்படுத்துவது போன்று, மீனவர் பிரச்சினையிலும் தமிழக அரசு ஏமாற்று நடவடிக்கைகளில் ஈடுபடக்கூடாது என அவர் தெரிவித்துள்ளார். முன்னர் வலியுறுத்தியதுபோன்று உணர்வுபூர்வமான நடவடிக்கைகளை உடனடியாக மேற்கொண்டு, இலங்கை சிறையில் உள்ள தமிழ்நாட்டு மீனவர்களை மீட்க நடவடிக்கை எடுக்க வேண்டும் எனவும் உதயநிதி ஸ்டாலின் வலியுறுத்தியுள்ளார்.

சிறையில் உள்ள தமிழக மீனவர்களை மீட்க வேண்டும் – எதிர்க்கட்சித் தலைவர் உதயநிதி

சிறையில் உள்ள தமிழக மீனவர்களை மீட்க வேண்டும் – எதிர்க்கட்சித் தலைவர் உதயநிதி

You may also like