தென் கொரியாவின் ஆசன் நகரில் நடைபெற்ற கொரிய பேட்மிண்டன் போட்டியின் ஆடவர் ஒற்றையர் பிரிவில் சீன வீரர் ஜூ சுவான்சென் சாம்பியன் பட்டம் வென்றுள்ளார். உலக தரவரிசையில் 68ஆவது இடத்தில் உள்ள 22 வயதான சுவான்சென், இறுதிப் போட்டியில் சக நாட்டு வீரரான யூ எபினை எதிர்கொண்டார். விறுவிறுப்பாக நடைபெற்ற போட்டியில் 21–16, 23–21 என்ற நேர் செட் கணக்கில் எபினை வீழ்த்தி சுவான்சென் பட்டத்தை கைப்பற்றினார். உலக பேட்மிண்டன் கூட்டமைப்பின் போட்டியொன்றில் சுவான்சென் சாம்பியன் பட்டம் வெல்வது இதுவே முதல் முறையாகும். வெற்றிக்குப் பின்னர் கருத்து தெரிவித்த சுவான்சென், பட்டம் வெல்லும் இலக்குடனேயே போட்டிக்கு வந்ததாகவும், போட்டி ஆரம்பித்த பின்னர் முடிவைப் பற்றி சிந்திக்காமல் ஒவ்வொரு புள்ளியையும் வெல்வதில் கவனம் செலுத்தியதாகவும் தெரிவித்தார். மேலும், பயிற்சியின்போது மேற்கொண்ட கடின உழைப்புக்கு தற்போது பலன் கிடைத்துள்ளதாகவும், பட்டம் வென்றதில் மிகுந்த திருப்தி அடைவதாகவும் அவர் குறிப்பிட்டுள்ளார்.

கொரிய பேட்மிண்டனில் சீன வீரர் அசத்தல் வெற்றி

கொரிய பேட்மிண்டனில் சீன வீரர் அசத்தல் வெற்றி

You may also like